அமெரிக்க அதிபர் டிரம்ப்ம்பை மிரட்டிய பிரதமர் மோடி

 பதிவு: புதன்கிழமை,  ஏப்ரல் 15, 2026, சித்திரை, பாரபவ வருடம் 03:00 AM

புதுடெல்லி,

ஈரான் உடனான பேச்சுவார்த்தை தோல்வியடைந்த நிலையில், அமெரிக்க அதிபர் டொனால்டு டிரம்ப், பிரதமர் மோடியை தொலைபேசியில் அழைத்து பேசினார். இருவரும் சுமார் 40 நிமிடங்கள் தொலைபேசியில் பேசியுள்ளனர். 

டிரம்ப்பிடம் பேசியது குறித்து பிரதமர் மோடி தனது எக்ஸ் தளத்தில் பதிவிட்டு இருப்பதாவது;

“என் நண்பர் அதிபர் டொனால்ட் டிரம்ப்பிடமிருந்து ஒரு அழைப்பு வந்தது. பல்வேறு துறைகளில் ஒத்துழைப்பு பற்றி ஆலோசித்தோம். மேலும் பல துறைகளில் ஒத்துழைப்பை வலுப்படுத்தவும் தீர்மானித்தோம். மேற்கு ஆசிய போர்ச்சூழல் பற்றியும், ஹோர்முஸ் நீரிணை திறந்த நிலையிலும் பாதுகாப்பாகவும் வைத்திருப்பதன் முக்கியத்துவத்தையும் வலியுறுத்தினோம்.

இவ்வாறு அவர் தெரிவித்துள்ளார்.

ராகுல்காந்தி தமிழக தேர்தல் பிரசாரத்தை புறக்கணிக்க முடிவு

பதிவு: செவ்வாய்க்கிழமை,  ஏப்ரல் 14, 2026, சித்திரை, பாரபவ வருடம் 01:40 AM

சென்னை,

தமிழகத்தில் வரும் 23-ந் தேதி (வியாழக்கிழமை) சட்டசபை தேர்தல் நடைபெற இருக்கிறது. தேர்தலுக்கு இன்னும் 9 நாட்களே இருக்கும் நிலையில், அ.தி.மு.க. தலைமையிலான தேசிய ஜனநாயக கூட்டணி கட்சி வேட்பாளர்களை ஆதரித்து பிரதமர் நரேந்திரமோடி இதுவரை 3 முறை தமிழகம் வந்து பிரசாரத்தில் ஈடுபட்டுள்ளார். 

அடுத்து 15-ந் தேதி நாகர்கோவிலில் நடைபெறும் பொதுக்கூட்டத்திலும், 18-ந் தேதி கோவையில் நடைபெறும் பொதுக்கூட்டத்திலும் பிரதமர் நரேந்திரமோடி பங்கேற்று பேசுகிறார். இதில், அ.தி.மு.க. பொதுச் செயலாளர் எடப்பாடி பழனிசாமி உள்ளிட்ட கூட்டணி கட்சி தலைவர்களும் கலந்துகொள்கின்றனர்.

அதேபோல், ஆளுங்கட்சியான தி.மு.க. தலைமையிலான மதச்சார்பற்ற முற்போக்கு கூட்டணியின் பொதுக்கூட்டத்தை நாளை மறுநாள் (15-ந் தேதி) சேலத்தில் பிரமாண்டமாக நடத்த திட்டமிடப்பட்டுள்ளது.

அதில், பங்கேற்க வருமாறு காங்கிரஸ் தலைவர் ராகுல்காந்திக்கு தி.மு.க. தலைமை அலுவலகத்தில் இருந்து அழைப்பு விடுக்கப்பட்டுள்ளது. ஆனால், ராகுல் காந்தி தரப்பில் இருந்து சாதகமான பதில் வரவில்லை என்று கூறப்படுகிறது. இதனால், தி.மு.க. தலைமை அதிருப்தியில் இருக்கிறதாம்.

சட்டசபை தேர்தலுக்கான கூட்டணி பேச்சு வார்த்தை நடந்தபோதே, தி.மு.க. - காங்கிரஸ் இடையே பிரச்சினை எழுந்தது. இதனால், நடிகர் விஜய்யின் தமிழக வெற்றிக் கழகத்தில் இணைய காங்கிரஸ் தலைமை பேச்சு வார்த்தை நடத்தியதாகவும் கூறப்பட்டது.

இதற்கு ராகுல்காந்தி ஆதரவு தெரிவித்த அதே நேரத்தில், அவரது தாயாரான சோனியாகாந்தி இதற்கு மறுப்பு தெரிவித்தாராம். அதன்பின்னரே, தி.மு.க.வுடனான கூட்டணி உறுதி செய்யப்பட்டுள்ளது.

‘ஜன​நாயகன்’ பட விவகாரம் - மத்திய தணிக்கை வாரியம் (சிபிஎப்சி) பரபரப்பு விளக்கம்

பதிவு: ஞாயிற்றுக்கிழமை,  ஏப்ரல் 12, 2026, பங்குனி 29, விசுவாவசு வருடம் 00:10 AM

சென்னை,

ஜனநாயகன் படம் கசிந்த விவகாரத்தில் மத்திய தணிக்கை வாரியம் தொடர்பாக பரபரப்பு விளக்கம் ஒன்றை அளித்துள்ளது.

தவெக தலைவர் விஜய் நடிப்பில், ஹெச்.வினோத் இயக்கத்தில் உருவாகியுள்ள திரைப்படம் ‘ஜனநாயகன்’. 

பூஜா ஹெக்டே, மமிதா பைஜூ, பிரியாமணி உள்ளிட்ட பலர் நடித்துள்ள இப்படம், இந்த ஆண்டு பொங்கல் பண்டிகையை முன்னிட்டு ஜனவரி 9-ம் தேதி வெளியாகத் திட்டமிடப்பட்டது. 

விஜய்யின் கடைசிப் படம் என்பதால் படத்திற்குப் பெரும் எதிர்பார்ப்பு நிலவியது.

இந்த நிலையில், மத்திய தணிக்கை வாரியம் ஜனநாயகன் படம் கசிந்த விவகாரம் தொடர்பாக பரபரப்பு விளக்கம் ஒன்றை அளித்துள்ளது. 

அதில் கூறப்பட்டுள்ளதாவது; 

“ஜன நாயகன்” படம் மத்திய திரைப்பட சான்றிதழ் வாரியம் மூலம் கசிந்துவிட்டதாக வெளியாகும் செய்திகள் அடிப்படையற்றதும் தவறானவையும் ஆகும்.திரைப்பட சான்றிதழுக்காக சமர்ப்பிக்கப்படும் அனைத்து படங்களுக்கும் பாதுகாப்பான KDM முறையை  சிபிஎப்சி பின்பற்றுகிறது. 

படத்திற்கான அணுகல் கடவுச்சொல் பாதுகாப்புடன் இருக்கும்; மேலும் கேடிஎம் முழுமையாக தயாரிப்பாளர்/இயக்குநரிடமே இருக்கும். சரியான கேடிஎம் இல்லாமல் அந்தப் படத்தை அணுகவோ அல்லது பார்க்கவோ முடியாது. 

ஜன நாயகன்  திரைப்படத்தின் டிஜிட்டல் சினிமா பேக்கேஜ்  மார்ச் 17 அன்று மும்பையில் விண்ணப்பதாரரிடம் உரிய ஒப்புதல்  பெற்று ஒப்படைக்கப்பட்டது; அதன் பின்னர் அது அவர்களிடமே உள்ளது” என்று தெரிவிக்கப்பட்டுள்ளது.

‘ஜனநாயகன்’ இணையத்தில் கசிந்தது - விஜய், படக்குழுவினர் அதிர்ச்சி - டிஜிபியிடம் புகார்

 

பதிவு: சனிக்கிழமை, ஏப்ரல் 11, 2026, பங்குனி 28, விசுவாவசு வருடம் 05:20 AM

சென்னை,

​திரைப்​படத் தணிக்கை வாரி​யத்​தின் சான்​றிதழுக்​காக காத்​திருக்​கும் நிலை​யில், விஜய் நடித்​துள்ள ‘ஜன​நாயகன்’ முழு திரைப்​பட​மும் நேற்று இணை​யத்​தில் வெளி​யாகி வைரலான​தால் விஜய் உள்​ளிட்ட படக் குழு​வினர் அதிர்ச்சி அடைந்​துள்​ளனர். இதுகுறித்து நடவடிக்கை எடுக்​கக் கோரி டிஜிபி​யிடம் புகார் கொடுக்​கப்​பட்​டுள்​ளது.

தவெக தலை​வர் விஜய் நடித்​துள்ள திரைப்​படம் ‘ஜன​நாயகன்’. ஹெச்​.​வினோத் இயக்​கத்​தில் பூஜா ஹெக்​டே, மமிதா பைஜு, பாபி தியோல் உள்​ளிட்ட பலர் நடித்​துள்​ளனர். 

ரூ.500 கோடி பட்​ஜெட்​டில் பிரம்​மாண்​ட​மாக தயாரிக்​கப்​பட்ட படம் என்​ப​தா​லும், தமிழகம், புதுச்​சேரி சட்​டப்​பேர​வைத் தேர்​தலில் முதல்​முறை​யாக களமிறங்​கி​யுள்ள விஜய்​யின் கடைசி திரைப்​படம் என்று அறிவிக்​கப்​பட்​ட​தா​லும், ரசிகர்​கள் மத்​தி​யில் இத்​திரைப்​படம் பெரும் எதிர்​பார்ப்பை ஏற்​படுத்​தி​யது.

கடந்த ஜனவரி மாதம் பொங்​கல் பண்​டிகைக்கு இப்​படம் வெளி​யாகும் என அறிவிக்​கப்​பட்ட நிலை​யில், தணிக்​கைப் பிரச்​சினை காரண​மாக இது​வரை வெளி​யாக​வில்​லை. நீண்ட போராட்​டத்​துக்​குப் பிறகு, படத்தை மறு​தணிக்​கைக் குழு கடந்த மாதம் பார்த்​தது. படத்​துக்கு விரை​வில் தணிக்​கைச் சான்​றிதழ் கிடைக்​கும் என எதிர்​பார்க்​கப்​படு​கிறது.

இந்த சூழலில், ‘ஜன​நாயகன்’ படத்​தில் இடம்​பெற்​றுள்ள சுமார் 5 நிமிட வீடியோ காட்சி இணை​யத்​தில் கடந்த 9-ம் தேதி வெளி​யானது. பல்​வேறு வலை​தளங்​களி​லும் இது வேக​மாக பகிரப்​பட்​டது. இதனால், படத் தயாரிப்பு நிறு​வன​மும், படக் குழு​வினரும் அதிர்ச்​சி​யடைந்​தனர். 

இந்த நிலை​யில், ‘ஜன​நாயகன்’ முழு திரைப்​பட​மும் நேற்று அதி​காலை இணை​யத்​தில் சட்​ட​விரோத​மாக மர்ம நபர்​களால் வெளி​யிடப்​பட்​டது. இணை​யம் மற்​றும் வலை​தளங்​களில் இது​வும் வேக​மாக பகிரப்​பட்​டது. திரைப்படத் தணிக்கை வாரி​யத்​தின் சான்​றிதழுக்​காக காத்​திருக்​கும் சூழலில், முழு படமும் இணை​யத்​தில் வெளி​யானது விஜய் உள்ளிட்ட படக் குழு​வினருக்கு பெரும் அதிர்ச்​சியை ஏற்​படுத்​தி​யுள்​ளது. விஜய் ரசிகர்களும் அதிர்ச்சி அடைந்தனர்.

இணையத்தில் முழு திரைப்படத்தையும் மர்ம நபர்கள் சட்ட விரோதமாக வெளியிட்டதற்கு நடிகர் சங்க பொதுச் செய​லா​ளர் விஷால், நடிகர்​கள் ரஜினிகாந்த், சூர்​யா, சிரஞ்​சீ​வி, சிவ​கார்த்​தி​கேயன், விஜய் ஆண்​டனி, ஜீவா, ஜி.​வி.பிர​காஷ் குமார், தயாரிப்​பாளர் சுரேஷ் காமாட்சி உட்பட திரை​யுல​கினர் பலரும் கடும் கண்​டனம் தெரி​வித்​துள்​ளனர்.

ரஜினிகாந்த் தனது வலைதளப் பதிவில், ‘ஜனநாயகன் திரைப்படம் இணையத்தில் யாராலோ வெளியிடப்பட்டிருப்பது அதிர்ச்சி, வேதனையை அளிக்கிறது. திரை அமைப்புகள் இதற்கு எதிராகக் குரல் எழுப்ப வேண்டும். அரசு இதைச் செய்தவர்களைக் கண்டுபிடித்து கடுமையான தண்டனை அளிக்க வேண்டும். இது போன்ற குற்றம் இனியும் தொடரக்கூடாது’ என்று தெரிவித்துள்ளார்.

தென்னிந்திய திரைப்படத் தொழிலாளர் சம்மேளனமான ‘பெப்சி’ அமைப்பும் கடும் கண்டனம் தெரிவித்துள்ளது. ‘இதுபோன்ற செயல்களை மத்திய, மாநில அரசுகள் தடுத்து, ஜனநாயகன் படத்தையும், திரைத்துறையையும் பாதுகாக்க வேண்டும்’ என்று கோரிக்கை விடுத்துள்ளது. 

திரைப்​படத்தை இணை​யத்​தில் கசி​ய​விட்​ட​வர்​கள் மீது நடவடிக்கை எடுக்​கக் கோரி, தமிழ்த் திரைப்பட தயாரிப்​பாளர் சங்க முன்​னாள் தலைவர் கேயார், டிஜிபியிடம் புகார் கொடுத்துள்​ளார்.

சட்டப்படி நடவடிக்கை

இதற்​கிடையே, ‘ஜன​நாயகன்’ திரைப்​படக் காட்​சிகளை பகிர்ந்​தால் சட்​டப்​படி நடவடிக்கை எடுக்​கப்​படும் என்று தயாரிப்​பாளர் தரப்​பில் வழக்​கறிஞர் விஜயன் சுப்​பிரமணி​யன் அறி​விப்பு வெளி​யிட்​டுள்​ளார்.

அதில் கூறப்​பட்​டுள்​ள​தாவது

‘ஜன​நாயகன்’ படத்​தின் கசிந்த காட்​சிகள் அல்​லது காணொளியை வாட்​ஸ்​அப், டெலிகி​ராம், இன்​ஸ்​டாகி​ராம், முகநூல், எக்​ஸ், யூ-டியூப், இணை​யதளங்​கள் உள்ளிட்ட எந்த டிஜிட்டல் ஊடகம் வழி​யாக​வும் பதி​விறக்கம் செய்​வது, அனுப்​புவது, பகிர்​வது, பதிவேற்​றம் செய்​வது, மீண்​டும் பதி​விடு​வது, சேமிப்​பது, பரப்புவதுகடுமை​யான குற்​றச்​செயல் மற்​றும் பதிப்​புரிமை மீறல் ஆகும். இதில் சம்​பந்​தப்​பட்டவர்கள் மீது குற்​ற​வியல் நடவடிக்​கை எடுக்கப்படும்.

‘ஜன​நாயகன்’ படத்​தின் காட்​சிகளை சட்​ட​விரோத​மாகப் பதி​விறக்​கம்செய்து அனுப்​பிய நபருக்கு எதி​ராக எனது கட்​சிக்​காரர் ஏற்​கெனவே உரியசட்ட நடவடிக்​கை​ தொடங்கி​உள்​ளார். 

மேலும், இத்​தகைய சட்ட ​விரோத செயல்களில் ஈடு​பட்ட அனைத்து நபர்​களுக்​கும் எதி​ராக மேல​திக நடவடிக்​கைகள் தீவிர​மாக மேற்​கொள்​ளப்பட்டு வரு​கின்​றன. இது​போன்ற செயல்​களில் ஈடு​படும் எவரும், அதன் விளைவு​களுக்கு, உடனடி உரிமையியல் மற்​றும் குற்​ற​வியல்​ நடவடிக்​கைகளை எதிர்​கொள்ள நேரிடும்​. 

இவ்​வாறு அவர்​ தெரி​வித்​துள்​ளார்​.

சென்னை காவல் ஆணையரை மாற்றியது தேர்தல் ஆணையம் - அபின் தினேஷ் மோடக் பொறுப்பேற்பு

பதிவு: வெள்ளிக்கிழமை, ஏப்ரல் 11, 2026, பங்குனி 28, விசுவாவசு வருடம் 04:40 AM

சென்னை,

சென்னை காவல் ஆணையர் அருண் மாற்றப்பட்டு, புதிய காவல் ஆணையராக அபின் தினேஷ் மோடக்கை நியமித்து தலைமை தேர்தல் ஆணையம் உத்தரவிட்டது. அவர் உடனடியாக பொறுப்பேற்றார்.

தமிழக சட்டப்பேரவைத் தேர்தல் ஏப்​ரல் 23-ம் தேதி நடைபெற உள்ளது. தேர்தலை நடுநிலையோடும், அமைதியாகவும் நடத்த தேர்தல் ஆணையம் பல்வேறு நடவடிக்கைகளை எடுத்து வருகிறது. அதன் ஒரு பகுதியாக ஐஏஎஸ், ஐபிஎஸ் அதிகாரிகள் மாற்றப்பட்டு வருகின்றனர்.

அந்த வகை​யில் ஏற்​கெனவே, விருதுநகர், நாமக்​கல், கரூர் உட்பட 8 மாவட்ட எஸ்.​பி.க்​கள் மாற்​றப்​பட்​டனர். கடந்த 2-ம் தேதி தலை​மைச் செயல​ராக இருந்த முருகானந்தம் மாற்றப்பட்டு சாய்குமாரும், சட்​டம் - ஒழுங்கு டிஜிபி ஜி.வெங்​கடராமன் மாற்றப்​பட்டு சந்​தீப் ராய் ரத்​தோரும் பொறுப்பேற்றனர்.

இந்த நிலையில், சென்னை காவல் ஆணையர் அருணையும் மாற்ற வேண்டும் என தேர்தல் ஆணையத்திடம் பாஜக, தவெகவினர் மனு அளித்தனர். 

இந்நிலையில், அருணுக்கு பதிலாக சென்னை காவல் ஆணையராக, அமலாக்கப் பிரிவு (மதுவிலக்கு அமலாக்கம் மற்றும் போதைப் பொருள் தடுப்பு நுண்ணறிவு பிரிவு) கூடுதல் டிஜிபியாக இருந்த அபின் தினேஷ் மோடக்கை பணியமர்த்தி தேர்தல் ஆணையம் நேற்று இரவு உத்தரவிட்டது. 

இதைத் தொடர்ந்து, சென்னை பெருநகர புதிய காவல் ஆணையராக அபின் தினேஷ் மோடக் உடனடியாக பொறுப்பேற்றுக் கொண்டார்.

இறுதி வேட்​பாளர்​கள் பட்டியல் வெளி​யீடு - சட்டப்பேரவை தேர்​தல் களத்தில் 4500 வேட்பாளர்​கள்

பதிவு: வெள்ளிக்கிழமை, ஏப்ரல் 10, 2026, பங்குனி 27, விசுவாவசு வருடம் 07:30 AM

சென்னை,

சட்​டப்​பேர​வைத் தேர்​தலில் போட்​டி​யிடும் இறுதி வேட்​பாளர்களின் பட்​டியல் நேற்று வெளி​யிடப்​பட்​டது. தமிழகம் முழு​வதும் உள்ள 234 தொகு​தி​களில் சுமார் 4,500 வேட்​பாளர்​கள் போட்டி​யிடு​வது உறு​தி​யாகி​யுள்​ளது.

தமிழக சட்​டப்​பேர​வைத் தேர்​தல் கடந்த மார்ச் 15-ம் தேதி அறிவிக்​கப்​பட்​டது. மார்ச் 30-ம் தேதி வேட்​புமனு தாக்​கல் தொடங்கி ஏப்​.6-ம் தேதி நிறைவடைந்​தது. 234 தொகு​தி​களி​லும் மொத்​தம் 7,599 வேட்​புமனுக்​கள் தாக்​கல் செய்​யப்​பட்​டன. 7-ம் தேதி வேட்​புமனுக்​கள் பரிசீலனை நடை​பெற்​றது. இதில் 5,139 மனுக்​கள் ஏற்​கப்​பட்​டன.

முறை​யாக பூர்த்தி செய்​யப்​ப​டாத 2 460 மனுக்​கள் நிராகரிக்​கப்​பட்​டன. மனுக்​களை திரும்​பப் பெற நேற்று மாலை 3 மணி வரை அவகாசம் வழங்​கப்பட்​டது. இதில் 500-க்​கும் மேற்பட்ட வேட்​புமனுக்​கள் திரும்​பப் பெறப்​பட்​டன.

இதையடுத்​து, நேற்று மாலை இறுதி வேட்​பாளர்​கள் பட்​டியல் வெளி​யிடப்​பட்​டது. 234 தொகு​தி​களி​லும் 4,500-க்​கும் மேற்​பட்ட வேட்​பாளர்​கள் போட்​டி​யிடு​வது உறு​தி​யாகி​யுள்​ளது. இறுதி வேட்​பாளர் பட்​டியல் வெளி​யானதைத் தொடர்ந்து நேற்று மாலையே சுயேச்சை வேட்​பாளர்​களுக்​கான சின்​னங்​கள் ஒதுக்​கப்​பட்​டன.

அந்​தந்த தொகு​தி​களில் போட்​டி​யிடும் வேட்​பாளர்​கள் உறு​தி​யாகி​யுள்ள நிலை​யில், அத்​தொகு​தி​களுக்​கான தபால் வாக்​குச்​சீட்​டு​களை அச்​சிடும் பணி​கள் இன்று தொடங்​கு​கின்​றன. அடுத்த சில தினங்​களில் தேர்​தல் அலு​வலர்​கள் மற்​றும் வாக்​குச்​சாவடி அலு​வலர்​களுக்கு அடுத்​தகட்ட பயிற்சி வழங்​கப்பட உள்​ளது. அப்​போது அவர்​களிடம் தபால் வாக்​குச் சீட்​டு​கள் வழங்​கப்பட உள்​ளன.

அதனைத் தொடர்ந்​து, வேட்​பாளர்​களின் எண்​ணிக்​கைக்கு ஏற்​ற​வாறு, தேவை​யான வாக்​குப்​ப​திவு இயந்​திரங்​கள் கணக்​கிடப்பட உள்​ளன. வாக்​குப்​ப​திவு இயந்​திரங்​களில் ஒவ்​வொன்​றி​லும் 16 வேட்​பாளர்​களின் பெயர் மற்​றும் சின்​னங்​கள் இடம்​பெறும். வேட்​பாளர்​களின் எண்​ணிக்கை அதற்கு மேல் இருந்​தால் கூடு​தலாக ஒரு வாக்​குப்​ப​திவு இயந்​திரம் இணைக்​கப்​படும். அதி​கபட்​ச​மாக 4 அலகு​களை சேர்க்க முடி​யும். அவற்​றில் 63 வேட்​பாளர்​கள் மற்​றும் ஒரு நோட்டா பொத்​தான் இடம்​பெறும்.

ஏற்​கெனவே, தொகுதி வாரி​யாக வாக்​குப்​ப​திவு இயந்​திரங்​கள் மற்​றும் கட்​டுப்​பாட்டு இயந்​திரங்​கள், விவி​பாட் இயந்​திரங்​கள் பிரித்து வைக்​கப்​பட்​டுள்​ளன. அவற்​றில் வேட்​பாளர்​களின் பெயர்​கள் மற்​றும் சின்​னங்​களை பொருத்​தும் பணி​கள் ஓரிரு தினங்​களில் தொடங்க உள்​ளன. அதற்​கான பெயர், சின்னங்​களை அச்​சிடும் பணி​களும் இன்று தொடங்​கு​கின்​றன.

இந்த தேர்​தலில் 2,80,30,658 ஆண், 2,93,04,905 பெண், 7,728 மூன்​றாம் பாலினத்​தினர் என மொத்​தம் 5,73,43,291 பேர் வாக்​களிக்க உள்​ளனர். இவர்​களுக்கு வீடு வீடாக சென்று வாக்​குச்​சாவடி நிலை அலு​வலர்​கள் மூல​மாக வாக்​காளர் சீட்டு விநி​யோகம் செய்​யும் பணி இன்று தொடங்​கு​கிறது. 17-ம் தேதிக்​குள் இப்​பணி​களை முடிக்க வேண்​டும் என மாவட்ட தேர்​தல் அதி​காரி​களுக்கு தலை​மைத் தேர்​தல் அதி​காரி அர்ச்​சனா பட்​நாயக் அறி​வுறுத்​தி​யுள்​ளார்.

இத்​தேர்​தலில் சுமார் 75 ஆயிரம் வாக்​குச்​சாவடிகள் தயார்​படுத்​தப்​பட்டு வரு​கின்​றன. இதில் 5,938 வாக்​குச்​சாவடிகள் பதற்​ற​மான மற்​றும் மிக​வும் பதற்​ற​மானவை​யாக அடை​யாளம் காணப்​பட்​டுள்​ளன. தேர்​தல் பாது​காப்​புப் பணி​யில் 23 ஆயிரத்​துக்​கும் மேற்​பட்ட துணை ராணுவப்​படை​யினர் ஈடு​படுத்​தப்பட உள்​ளனர்.

இறுதி வேட்​பாளர் பட்​டியல் வெளி​யான நிலை​யில், தமிழகம் முழு​வதும் நியமிக்​கப்​பட்​டுள்ள 151 செல​வின பார்​வை​யாளர்​களும், வேட்​பாளர்​களின் பிரச்​சார செல​வினங்​களை வீடியோ​வில் பதிவு செய்​து, செல​வினத்தை மதிப்​பிட்டு வரு​கின்​றனர். அவற்​றை, வேட்​பாளர்​களின் செலவு கணக்​கில் சேர்க்​கும் பணி​களை இன்​று​முதல் தீவிரப்​படுத்த இருப்​ப​தாக தகவல் வெளி​யாகியுள்ளது.

புதுச்சேரியில் 90% வாக்குப்பதிவு - வரலாறு காணாத வகை​யில் அசாமில் 85%, கேரளாவில் 78% பதிவானது

பதிவு: வெள்ளிக்கிழமை, ஏப்ரல் 10, 2026, பங்குனி 27, விசுவாவசு வருடம் 06:30 AM

புதுச்சேரி -புதுடெல்லி,

புதுச்​சேரி, கேரளா, அசாம் ஆகிய 3 மாநில சட்​டப்​பேரவை தேர்​தல் நேற்று அமை​தி​யாக நடந்து முடிந்தது. புதுச்​சேரி​யில் வரலாறு காணாத வகை​யில் 90 சதவீத வாக்குகள் பதி​வாகி​யுள்​ளன. அசாமில் 85.38%, கேரளா​வில் 78.21% வாக்​குப்​ப​திவு நடந்​துள்​ளது.

புதுச்​சேரி, கேரளா, அசாம் ஆகிய 3 மாநில தேர்​தல் நேற்று நடை​பெற்​றது. புதுச்​சேரி​யில் என்​.ஆர்​.​காங்​கிரஸ் - பாஜக கூட்​ட​ணிக்​கும், காங்​கிரஸ் - திமுக கூட்​டணிக்​கும் இடையே நேரடி போட்டி நில​வு​கிறது. 4 பிராந்​தி​யங்​களி​லும் மொத்​தம் உள்ள 30 தொகு​தி​களுக்கு நேற்று ஒரே கட்​ட​மாக வாக்​குப்​ப​திவு நடை​பெற்​றது. மொத்​தம் 1,099 வாக்​குச்​சாவடிகள் அமைக்​கப்​பட்​டிருந்​தன. தேர்​தல் பணி​யில் 5,000 அதி​காரி​கள், பணி​யாளர்​கள் ஈடு​படுத்​தப்​பட்​டனர்.

காலை முதலே மக்​கள் நீண்ட வரிசை​யில் நின்று ஆர்​வத்​துடன் வாக்​களித்​தனர். முதல்வர் ரங்கசாமி திலாசுபேட்டை அரசுப் பள்ளியில் வாக்களித்தார்.

இத்தேர்தலில் 89.87 சதவீதம் சாதனை வாக்​குப்பதிவு நடந்​துள்ளது‌. தொடர்ந்து பெறப்​படும் தபால் வாக்​கு​கள் மூலம் வாக்கு சதவீதம் 1.36 சதவீதம் கூடும் என தலைமைத் தேர்​தல் அதி​காரி ஜவஹர் கூறி​யுள்​ளார். புதுச்​சேரி​யில் இதுவரை நடந்த தேர்​தல்​களில் இதுவே அதி​கபட்ச வாக்​குப்​ப​திவு ஆகும்.

கேரளா​வின் மொத்​தம் 140 சட்​டப்​பேர​வைத் தொகு​தி​களுக்கும் ஒரே கட்​ட​மாக நேற்று வாக்​குப்​ப​திவு நடை​பெற்​றது. கேரளா​வில் மார்க்​சிஸ்ட் தலை​மையி​லான ஆளும் இடது ஜனநாயக முன்​னணி, காங்​கிரஸ் தலை​மையி​லான ஐக்​கிய ஜனநாயக முன்​னணி, பாஜக தலை​மையி​லான தேசிய ஜனநாயக கூட்​டணி இடையே மும்​முனை போட்டி நில​வு​கிறது. 883 வேட்​பாளர்​கள் களத்​தில் உள்​ளனர். 2.69 கோடி பேர் வாக்​குரிமை பெற்​றுள்​ளனர். 30,471 வாக்​குச் சாவடிகள் அமைக்​கப்​பட்​டிருந்​தன. 76,203 போலீ​ஸார், மத்​திய படைகளை சேர்ந்த 140 அணி​கள் மற்​றும் தமிழக காவல் துறையை சேர்ந்த 20 அணி​களை சேர்ந்த வீரர்​கள் பாது​காப்பு பணி​யில் ஈடு​பட்​டனர். சுமார் 1.46 லட்​சம் அரசு ஊழியர்​கள் தேர்​தல் பணி​யாற்​றினர்.

கண்​ணூர் மாவட்​டம் பின​ராயி நகரில் உள்ள வாக்​குச்​சாவடி​யில் முதல்​வர் பின​ராயி விஜயன் வாக்​களித்​தார். கேரளாவில் ஒட்​டுமொத்​த​மாக 78.21 சதவீத வாக்​கு​கள் பதி​வாகின.

அசாமின் 126 தொகு​தி​களுக்​கும் நேற்று ஒரே கட்​ட​மாக வாக்​குப்​ப​திவு நடை​பெற்​றது. ஆளும் பாஜக தலை​மையி​லான வடக்​கு-கிழக்கு ஜனநாயக கூட்​ட​ணிக்​கும், காங்​கிரஸ் தலை​மையி​லான அசாம் சோன்​மிலிட்டோ மோர்ச்சோ கூட்​ட​ணிக்​கும் இடையே நேரடி போட்டி நில​வு​கிறது. 722 வேட்​பாளர்​கள் களத்​தில் உள்​ளனர். 2.50 கோடி பேர் வாக்​குரிமை பெற்​றுள்​ளனர். 31,486 வாக்​குச்​சாவடிகள் அமைக்கப்​பட்​டிருந்​தன. மாநில போலீஸார், மத்​திய பாது​காப்பு படைகளை சேர்ந்த ஒரு லட்​சத்​துக்கும் மேற்பட்ட வீரர்​கள் பாது​காப்பு பணி​யில் ஈடு​பட்​டனர். 2 லட்​சம் ஊழியர்​கள் தேர்​தல் பணி​யாற்​றினர்.

முதல்​வரும், பாஜக மூத்த தலைவரு​மான ஹிமந்த பிஸ்வா சர்மா, குவாஹாட்​டி​யின் அசா​ரா​வில் குடும்​பத்​துடன் வாக்​களித்​தார். திப்​ரு​கார் பகு​தி​யில் பாஜக - அசாம் ஜாதிய பரிஷத் கட்சி தொண்​டர்​கள் இடையே ஏற்​பட்ட மோதலில் பலர் காயமடைந்​தனர். பெரும்​பாலான பகு​தி​யில் வாக்​குப்​ப​திவு அமை​தி​யாக நடை​பெற்​றது. 85.38 சதவீத வாக்​கு​கள் பதி​வாகின.

மே 4-ல் வாக்கு எண்​ணிக்கை

தமிழகத்​தில் ஏப்​ரல் 23-ம் தேதி​யும், மேற்கு வங்​கத்​தில் ஏப்​ரல் 23, 29 என 2 கட்​ட​மாக​வும் சட்​டப் ​பேரவைத் தேர்​தல் நடை​பெற உள்​ளது. 5 மாநிலங்களிலும் வாக்கு​ எண்ணிக்கை மே 4-ம் தேதி நடைபெற உள்ளது.

எஸ்​ஐஆர் காரண​மாக அதி​கரிப்பு

நாடு முழு​வதும் 12 மாநிலங்​கள், யூனியன் பிரதேசங்​களில் வாக்​காளர் பட்​டியல் சிறப்பு தீவிர திருத்​தப் பணி (எஸ்​ஐஆர்) மேற்​கொள்​ளப்​பட்​டது. கேரளா​வில் 2.78 கோடி வாக்​காளர்​கள் இருந்​தனர். எஸ்​ஐஆர் பணி​யின்​போது போலி வாக்​காளர்கள், இரட்​டைப் பதிவு, உயி​ரிழந்​தவர்​கள் என 9.06 லட்​சம் பெயர்​கள் நீக்​கப்​பட்​டன. இதைத் தொடர்ந்து கடந்த பிப்​ர​வரி​யில் வெளி​யிடப்​பட்ட இறுதி வாக்​காளர் பட்​டியலில் 2.69 கோடி வாக்​காளர்​கள் இடம்​பெற்​றிருந்​தனர். இந்நிலை​யில், கேரளாவில் தற்போது 78.21 சதவீத வாக்​கு​கள் பதி​வாகியுள்ளன.

அதே​போல, புதுச்​சேரி​யில் எஸ்​ஐஆர் திருத்​தத்​தின்போது 1.03 லட்​சம் வாக்​காளர்​கள் நீக்​கப்​பட்​டு, வாக்​காளர் பட்​டியலில் 9.50 லட்சம் வாக்​காளர்​கள் இடம் பெற்​றிருந்​தனர். முதல்​முறை வாக்காளர்​கள் 24,919 பேர் இருந்​தனர். கேரளா, புதுச்​சேரி​யில் எஸ்ஐஆர் காரண​மாகவே வாக்கு சதவீதம் அதி​கரித்​துள்​ள​து.

அசாமில் தேசிய குடிமக்​கள் பதிவேடு ஏற்​கெனவே சரிபார்க்கப்பட்​ட​தால், அங்கு எஸ்ஐஆர் பணி நடக்கவில்​லை. பதிவேடு கணக்​கெடுப்​பின்​போதே போலி வாக்​காளர்​கள்​ நீக்​கப்​பட்​ட​தால்​ அங்​கு தற்போது வாக்குப்பதிவு அதி​கரித்​துள்​ள​து.

“உண்மையான காங்கிரஸார் தவெகவில் உள்ளனர்” - திருநெல்வேலியில் தவெக தலை​வர் விஜய்​ பேச்சு

பதிவு: வியாழக்கிழமை, ஏப்ரல் 09, 2026, பங்குனி 26, விசுவாவசு வருடம் 03:30 AM

திருநெல்வேலி,

“பல கோடிகளை கொடுத்து காங்கிரஸை தங்கள் பையில் போட்டுக் கொண்டனர். ஆனால், உண்மையான காங்கிரஸார் தமிழக வெற்றிக் கழகத்தில் தான் உள்ளனர்” என்று தமிழக வெற்றிக் கழக தலைவர் விஜய் பேசினார்.

திருநெல்வேலி, தென்காசி, தூத்துக்குடி, கன்னியாகுமரி மாவட்டங்களில் உள்ள 22 சட்டப் பேரவை தொகுதிகளில் போட்டியிடும் தமிழக வெற்றிக் கழக வேட்பாளர்களை ஆதரித்து பாளையங்கோட்டை கேடிசி நகரில் நடைபெற்ற தவெக பிரச்சார பொதுக் கூட்டத்தில் அக்கட்சி தலைவர் விஜய் பேசியது:

“திமுக கையில் முழு அதிகாரம் இருந்திருந்தால் கண்டிப்பாக இந்த நிகழ்ச்சி நடந்திருக்காது. ஏதாவது முட்டுக்கட்டை போட்டு நிகழ்ச்சியை நடத்தவிடாமல் செய்திருப்பார்கள். தற்போது அதிகாரமில்லாத முதல்வராக ஸ்டாலின் இருக்கிறார். இதனால், இங்கு சிறப்பாக நிகழ்ச்சியை நடத்த முடிந்துள்ளது.

திமுக அரசு நமக்கு எதிராக பிரச்சினைகள், அவதூறுகள் பரப்பினார்கள். திமுக, பாஜக கூட்டணி வெளியே தனித்தனியாக இருப்பார்கள். ஆனால் இரண்டு பேரும் ஒன்றுதான். இருவரின் நோக்கமும் ஒன்றுதான். விஜய் வந்துவிடக் கூடாது என்பதுதான் அவர்களது நோக்கமே. நான் வந்ததால் ஊழல் செய்ய முடியாதபடி செய்துவிடுவேன் என்பதால் என் மீது அவர்களுக்கு கடும் ஆத்திரம்.

அவர்கள் அடுத்து ஆட்சிக்கு வரமுடியாத சூழ்நிலையை மக்கள் உருவாக்கிவிட்டனர். அவர்களின் கூட்டணி கணக்கு எடுபடவில்லை. அவர்களின் கல்லாப்பெட்டி கூட்டணி கலகலத்துப் போய் நிற்கிறது. அதை ஒட்டவைத்துக் கொண்டிருக்கிறார்.

கூட்டணி கட்சியினரே ஒருவருக்கு ஒருவர் ஓட்டு போட மாட்டர்கள் போலிருக்கிறது. திமுகவின் நேரடி கூட்டணிக்கும், மறைமுக கூட்டணிக்கும் நம் மீது கடும் ஆத்திரம். அவர்கள் குடும்பத்திலேயே விசில் சத்தம் பலமாக கேட்கிறதாம். அதனால் இன்னும் ஆத்திரம்.

சில பல கோடிகளை கொடுத்து தனது பையில் காங்கிரஸை திமுக போட்டுக் கொண்டது. ஆனால், உண்மையான காங்கிரஸார் நம்மிடம் உள்ளனர். அவர்களது சிறுபான்மை பாசம் என்ற சாயம் வெளுத்துப் போய்விட்டது.

நான் ஒவ்வொரு வீட்டுக்குள்ளேயும் போனதற்குப் பின்னரே கட்சியை ஆரம்பித்துள்ளேன். இது அரசியலை தாண்டிய உறவு. அரசியல் ஆதாயம் தேடுவோருக்கு இது புரியாது. மற்றவர்களுக்கு இது எலெக்‌ஷன். எனக்கு ஒரு எமோஷன். எனக்கு ஒன்று என்றாலும், மக்களுக்கு ஒன்று என்றாலும் மக்களுக்கும், எனக்கும் கண் கலங்கும்.

கரூர் விஷயத்தில் என் மீது பழிபோட்டாலும் மக்கள் என் பக்கம் நிற்கிறார்கள். இதனால், ஜனநாயகன் படத்தை முடக்கினர். அதை யார் முடக்கினார்கள் என்பது உங்களுக்கு தெரயும். அதுவும் எடுபடவில்லை.

நான் வெளியே வரக் கூடாது என்று கண்டிஷன் போட்டனர். அதுவும் எடுபடவில்லை. பின்னர் நம்மை சுற்றியிருக்கிறவர்களை வைத்து அவதூறு பரப்பினர். அதுவும் மக்கள் மத்தியில் எடுபடவில்லை.                              

எத்தனை சோதனைகள், வேதனைகளை கடந்து வந்துள்ளேன். திமுக, பாஜவினரால் என்னை மக்கள் மத்தியில் இருந்து பிரிக்க முடியாது. ஒவ்வொரு வீட்டியிலும் விஜய்யும், விஜியும் இருக்கும் வரைக்கும் என்னை மக்கள் மத்தியிலிருந்து பிரிக்க முடியாது.

தமிழகத்திலுள்ள ஒவ்வொரு சட்டப் பேரவை தொகுதியிலும் விஜய்தான் நிற்கிறேன். வேட்பாளர்தான் விஜய், விஜய்தான் வேட்பாளர். இத்தனை ஆண்டுகளாக யார் யாருக்கெல்லாம் ஓட்டு போட்டீர்கள். இந்த முறை உங்கள் குடும்பத்தில் உள்ளவருக்கு ஓட்டுப் போடுங்கள். அந்த வேட்பாளருக்கு ஓட்டுப் போடுவது நமக்கு நாமே ஓட்டு போடுவது மாதிரி. அந்த வேட்பாளர் வெற்றி பெற்றால் நீங்கள் வெற்றிபெற்றது போன்றதாகும்.

இந்த தேர்தல் 50 ஆண்டு நடக்கும் அதிசய தேர்தல். உங்களுக்காக பசும்பொன் முத்துராமலிங்க தேவர், வீரன் சுந்தரலிங்கம், வ.உ.சி., அழகுமுத்துகோன், கட்டபொம்மன், குரூஸ் பர்னாந்து போன்ற தலைவர்கள் மாதிரி தவெக உழைக்கும்.

தவெக ஆட்சியில் பெண்கள், இளைஞர்கள், விவசாயிகள், மீனவர்கள், உழைப்பாளிகள் எல்லாரும் நன்றாக இருப்பார்கள். நமது சந்ததிகள் நன்றாக இருக்கும். எனவே வேறு யாருக்கும் ஓட்டு போட்டு ஓட்டை வீணாக்கிவிடாதீர்கள்.

மக்கள் பணத்தில் ஒரு பைசா கூட தொடமாட்டேன். தற்போது ஆளுகிறவர்களும், இதற்குமுன் ஆண்டவர்களும் இதை சொல்ல முடியுமா? நீங்கள் ஒழுங்காக ஆட்சி நடத்தியிருந்தால் சட்டம் - ஒழுங்கு சீர்கெட்டிருக்குமா? பெண்களுக்கு பாதுப்பு கிடைக்காமல் இருந்திருக்குமா? இதற்கெல்லாம் பதில் சொல்ல தகுதி இருக்கிறதா?

இரண்டரை வயது குழந்தையை திமுகவை சேர்ந்தவர் கொலை செய்தார். விளாத்திகுளம் பகுதியில் பிளஸ் டூ மாணவி கொலை செய்யப்பட்டதற்கெல்லாம் என்ன பதில் சொல்லப்போகிறீர்கள்?

போலீஸாரை பொம்மையாக வைத்து விளையாடிக் கொண்டிருக்கிறீர்கள். நாங்குநேரி சம்பவத்தை ஏன் தடுக்கவில்லை? சட்டவிரோதமாக மணலை, கனிம வளங்களை திருடுகிறார்கள். குடும்பமாக கொள்ளை அடிக்கிறார்கள். ஆட்சி முழுக்க ஊழல் என்று நாறிக் கிடக்கிறது. இந்நிலையில் எந்த முகத்தை வைத்து ஓட்டு கேட்பீர்கள்?

உங்கள் பணத்தை வைத்து மக்களை விலைக்கு வாங்க முடியாது. இது மாற்றத்துக்கான தேர்தல், மாற்றத்தை கொண்டுவரப்போகும் தேர்தல். இதை உங்களாலேயோ மற்றும் பலராலேயோ தடுக்க முடியாது.

வசதியான வாழ்க்கையை தூக்கி எறிந்துவிட்டு, அத்தனை வலிகளையும் தாங்கி வந்துளளேன். தமிழகத்தில் திமுகவுக்கும் தவெகவுக்கும் தான் போட்டி. இது விசில் புரட்சி தேர்தலாக இருக்கும்” என்று விஜய் பேசினார். ‘நான் தன்னந்தனி ஆளு’ என்ற கட்சியின் தேர்தல் பரப்புரை பாடலை பாடி முடித்தார் விஜய்.

“தலைமைச் செயலர் மாற்றம் அத்துமீறிய அரசியல் நடவடிக்கை” - தேர்தல் ஆணையத்துக்கு முதல்வர் ஸ்டாலின் கண்டனம்

பதிவு: வியாழக்கிழமை, ஏப்ரல் 09, 2026, பங்குனி 26, விசுவாவசு வருடம் 01:30 AM

சென்னை,

தேர்தல் ஆணையம் தமிழ்நாடு அரசின் தலைமைச் செயலாளரை மாற்றி, ஒருதலைப்பட்சமான அத்துமீறிய அரசியல் நடவடிக்கையில் ஈடுபட்டிருப்பதாக முதல்வர் ஸ்டாலின் கண்டனம் தெரிவித்துள்ளார்.

இது குறித்து அவர் தனது எக்ஸ் தளத்தில், “பாஜகவை ஆதரித்து நேரில் பரப்புரை செய்ய களத்திற்கு வராத குறையாகத் தேர்தல் களத்தில் முழுமூச்சுடன் செயல்பட்டுக் கொண்டிருக்கும் தேர்தல் ஆணையம், இப்போது தமிழ்நாடு அரசின் தலைமைச் செயலாளரை மாற்றி, ஒருதலைப்பட்சமான அத்துமீறிய அரசியல் நடவடிக்கையில் ஈடுபட்டிருப்பதற்குக் கடும் கண்டனத்தைத் தெரிவித்துக் கொள்கிறேன்.

நியாயமான - சுதந்திரமான தேர்தலை நடத்த வேண்டிய தேர்தல் ஆணையம், பாஜக ஆட்சியில் அக்கட்சியின் கட்டளைகளை நிறைவேற்றி வருவது வெட்கக்கேடானது. அரசியல்சட்டம் தேர்தல் ஆணையத்திற்குத் தந்துள்ள பாதுகாப்பு பாஜகவுக்குத் தேர்தல் வேலை பார்ப்பதற்கு அல்ல. நாட்டை சர்வாதிகாரப் பாதையில் கொண்டு செல்லத் துடிக்கும் பாஜக ஆட்சியில் ஆதிக்க மனப்பான்மையுடன் பணியாற்றும் தேர்தல் ஆணையம் இதனை உணராமல் இருப்பது, ஆணையத்தின் கண்ணியத்தைக் கடைத்தெருவில் கொண்டு வந்து நிறுத்தியிருக்கிறது.

பாஜக ஆளும் அசாம் மாநிலத்தில் தேர்தல் நடக்கிறது. அங்கு டிஜிபி, தலைமைச் செயலாளரை மாற்றவில்லை. பாஜக பிராக்சி ஆட்சி நடத்திய பிஹார் மாநிலத்தில் தேர்தல் நடைபெற்றது. அங்கும் டிஜிபி, தலைமைச் செயலாளரை மாற்றவில்லை. தமிழ்நாட்டில் மட்டும் தலைமைச் செயலாளர், டிஜிபி ஆகியோர் ஆகியோர் தேர்தல் ஆணையத்தின் கண்ணை உறுத்தியிருக்கிறார்கள். அவர்களை பாஜகவின் தூண்டுதலில் மாற்றியிருக்கிறது.

தமிழ்நாட்டில் பாஜக, அதிமுகவுடன் கைகோத்து நடத்த இருக்கும் தேர்தல் முறைகேடுகளுக்குத் துணை போகத் துடியாய்த் துடிப்பது தேர்தல் ஆணையத்திற்கு அழகு அல்ல. ஆணையத்தின் அலுவலர்கள் இன்று இருக்கலாம். நாளை பதவியிலிருந்து போய் விடலாம். ஆனால் நாட்டு மக்களின் நம்பிக்கையைப் பெறும் வகையில் நம் அரசியல்சட்ட முன்னோர்களால் உருவாக்கப்பட்ட தேர்தல் ஆணையத்தின் நடுநிலைமை நடுத்தெருவில் கொண்டு வந்து நிறுத்தப்படுவது நம் நாட்டிற்கும் - சுதந்திரமான நியாயமான தேர்தலுக்கும் பேராபத்து.

உச்ச நீதிமன்றத் தீர்ப்பை மீறி, தலைமைத் தேர்தல் ஆணையரை நானே தேர்வு செய்வேன் என்று புதிய சட்டத் திருத்தம் கொண்டு வந்த பிரதமர் அவர்களுக்கோ அல்லது அவர் வழிநடத்தும் ஒன்றிய பாஜக அரசுக்கோ தேர்தல் ஆணையத்தின் புனித்தன்மை புரியப் போவதில்லை என்பதைத் தமிழ்நாடு உள்ளிட்ட எதிர்க்கட்சிகள் ஆளும் மாநிலங்களில் மட்டும் ‘தலைமைச் செயலாளர்’, ‘டிஜிபி’ ஆகியோரை மாற்ற பாஜக தூண்டி விடும் காட்டு தர்பார் பிரதிபலிக்கிறது. ஜனநாயகத்தின் கடைசி நம்பிக்கையாக இருக்கும் தேர்தல் ஆணையமும் காவிமயமாகி விட்டது என்பதையே இந்த நடவடிக்கைகள் எல்லாம் காட்டுகின்றன.

எத்தனை அதிகாரிகளை மாற்றினாலும் தமிழ்நாட்டில் பாஜக படுதோல்வியில் மண்ணைக் கவ்வப் போவது உறுதி. சீப்பை ஒளித்து வைத்து விட்டால் திருமணத்தை நிறுத்திவிடலாம் என்பது போல் அதிமுக - பா.ஜ.க. அடங்கிய என்டிஏ கூட்டணிக்காகத் தேர்தல் ஆணையம் செய்யும் அதிகார அத்துமீறல் ஆணவத்தின் உச்சகட்டம்!” இவ்வாறு அவர் தெரிவித்துள்ளார்.

தமிழக தலைமைச் செயலர் முருகானந்தம் அதிரடி மாற்றம் - புதிய தலைமைச் செயலராக சாய்குமார் ஐஏஎஸ் நியமனம்

பதிவு: வியாழக்கிழமை, ஏப்ரல் 09, 2026, பங்குனி 26, விசுவாவசு வருடம் 00:55 AM

சென்னை,

தமிழக தலைமைச் செயலர் முருகானந்தம் அதிரடியாக மாற்றப்பட்டார். அதேபோல், லஞ்ச ஒழிப்புத் துறை டிஜிபியும் மாற்றப்பட்டார்.

தமிழக சட்டப்பேரவைத் தேர்தல் ஏப்ரல் 23-ம் தேதி நடைபெறுகிறது. இந்நிலையில், தமிழக தலைமைச் செயலர் மற்றும் லஞ்ச ஒழிப்புத் துறை டிஜிபியை மாற்றி தேர்தல் ஆணையம் அதிரடி நடவடிக்கை மேற்கொண்டுள்ளது.

புதிய தலைமைச் செயலராக சாய்குமார் ஐஏஎஸ் நியமிக்கப்பட்டுள்ளார். இவர் தமிழ்நாடு செய்திக் காகித நிறுவனத் தலைவராக இருந்தவர் என்பது குறிப்பிடத்தக்கது. அதேபோல், இவர் முன்னாள் முதல்வர் எடப்பாடி பழனிசாமியின் தனிச் செயலாளராகவும் இருந்துள்ளார் என்றும் கூறப்படுகிறது.

தமிழக தலைமைச் செயலர் தவிர ஆயுதப்படை, லஞ்ச ஒழிப்புத் துறை டிஜிபியும் மாற்றப்பட்டுள்ளார். புதிய டிஜிபியாக சந்தீப் மிட்டலை நியமனம் செய்து இந்திய தலைமைத் தேர்தல் ஆணையம் உத்தரவிட்டுள்ளது.

மேலும், இந்த உத்தரவை உடனடியாக அமல்படுத்தி சம்பந்தப்பட்ட அதிகாரிகள் பணியில் இணைந்தது தொடர்பாக மாலை 6 மணிக்குள் அறிக்கை சமர்ப்பிக்கும்படியும் அறிவுறுத்தப்பட்டுள்ளது.

தேர்தலுக்கு முன்னர் அதிகாரிகள் மாற்றம் என்பது வழக்கமாக நடைபெறுவதுதான் என்றாலும்கூட, தேர்தலுக்கு 2 வாரங்களே உள்ள நிலையில், தமிழக தலைமைச் செயலரையே அதிரடியாக மாற்றி உத்தரவிட்டுள்ளது கவனம் பெற்றுள்ளது.

முதல்​வர் மு.க.ஸ்​டா​லின், துணை முதல்​வர் உதயநிதி ஸ்டா​லின், பழனி​சாமி, சீமான், மனு ஏற்பு - வேட்பாளர்களின் இறுதிப்பட்டியல் நாளை வெளியீடு - எடப்பாடி தொகுதியில் தவெக வேட்பாளர் போட்டியில்லை

பதிவு: புதன்கிழமை, ஏப்ரல் 08, 2026, பங்குனி 25, விசுவாவசு வருடம் 03:45 AM

சென்னை,

தமிழக சட்​டப்​பேர​வைத் தேர்​தலில் போட்​டி​யிடும் வேட்​பாளர்​களின் இறு​திப்​பட்​டியல் நாளை வெளி​யாகும் நிலை​யில், மு.க.ஸ்​டா​லின், பழனி​சாமி, விஜய், சீமான் ஆகியோரின் வேட்பு மனுக்​கள் ஏற்​கப்​பட்​டுள்​ளன. எடப்​பாடி​யில் தவெக வேட்​பாளரின் மனு நிராகரிக்​கப்​பட்​டுள்​ளது.

தமிழத்​தில் சட்​டப்​பேர​வைத் தேர்​தல் ஏப்​.23-ம் தேதி நடை​பெறுகிறது. மொத்​தம் உள்ள 234 தொகு​தி​களுக்​கும் ஒரே கட்​ட​மாக நடை​பெறவுள்ள தேர்​தலுக்​கு, வேட்பு மனுத் தாக்​கல் கடந்த மார்ச் 30-ம் தேதி தொடங்​கியது. முதல் நாளி​லேயே முதல்​வர் மு.க.ஸ்​டா​லின், தவெக தலை​வர் விஜய், நாதக தலைமை ஒருங்​கிணைப்​பாளர் சீமான் உள்​ளிட்​டோர் வேட்பு மனுத் தாக்​கல் செய்​தனர்.

சேப்​பாக்​கம் - திரு​வல்​லிக்​கேணி தொகு​தி​யில் துணை முதல்​வர் உதயநிதி ஸ்டா​லின் கடந்த 4-ம் தேதி வேட்பு மனுத் தாக்​கல் செய்​தார். ஏப்​ரல் 6-ம் தேதி நேற்று முன்​தினம் வேட்பு மனுத் தாக்​கல் செய்ய கடைசி நாள் என்​ப​தால், அனைத்து தொகு​தி​களி​லும் வேட்பு மனுத் தாக்​கல் செய்ய அரசி​யல் கட்​சிகளைச் சேர்ந்த வேட்​பாளர்​கள், சுயேச்சை வேட்​பாளர்​கள் குவிந்​தனர்.

எடப்​பாடி தொகு​தி​யில் அதி​முக பொதுச்​செய​லா​ளர் பழனி​சாமி (இபிஎஸ்), சாத்​தூரில் பாஜக தலை​வர் நயி​னார் நாகேந்​திரன், விருத்​தா​சலத்​தில் தேமு​திக பொதுச்​செய​லா​ளர் பிரேமலதா விஜய​காந்த், ஸ்ரீபெரும்​புதூரில் தமிழகக் காங்​கிரஸ் தலை​வர் செல்​வப்​பெருந்​தகை, தரு​மபுரி​யில் பாமக தலை​வர் அன்​புமணி​யின் மனைவி சவுமியா அன்​புமணி, அவி​நாசி​யில் மத்​திய இணை அமைச்​சர் எல்​.​முரு​கன், மயி​லாப்​பூரில் தமிழகப் பாஜக முன்​னாள் தலை​வர் தமிழிசை சவுந்​தர​ராஜன், கோவை வடக்கு தொகு​தி​யில் பாஜக தேசிய மகளிரணித் தலைவி வானதி சீனி​வாசன் உள்​ளிட்​டோர் வேட்பு மனுத் தாக்​கல் செய்​தனர்.

சென்​னை​யில் 628 உட்பட 234 தொகு​தி​களி​லும் மொத்​தம் 7,599 வேட்பு மனுக்​கள் தாக்​கல் செய்​யப்​பட்​டன. ஏராள​மானோர் கூடு​தல் மனுக்​களைத் தாக்​கல் செய்​தனர். முதல்​வர் மு.க.ஸ்​டா​லின் 4 மனுக்​களை​யும், தவெக தலை​வர் 3 மனுக்​களை​யும் தாக்​கல் செய்​திருந்​தனர்.

இந்​நிலை​யில், நேற்று பகல் 11 மணிக்கு தேர்​தல் நடத்​தும் அலு​வலர்​கள் தலை​மை​யில் வேட்பு மனுக்​கள் பரிசீலனை தொடங்​கியது. இதில் வேட்​பாளர்​கள், வேட்​பாளர்​களின் முகவர்​கள் பங்​கேற்​றனர். 

முதல்​வர் மு.க.ஸ்​டா​லின், துணை முதல்​வர் உதயநிதி ஸ்டா​லின், பழனி​சாமி, சீமான், நயி​னார் நாகேந்​திரன், செல்​வப்​பெருந்​தகை, சவுமியா அன்​புமணி, பிரேமலதா விஜய​காந்த் உள்​ளிட்​டோரின் வேட்பு மனுக்​கள் ஏற்றுக் கொள்​ளப்​பட்​டன.

ஆட்​சேபனை

பெரம்​பூர் தொகு​தி​யில் தவெக தலை​வர் விஜய்​யின் வேட்பு மனு​வில், சான்​றொப்​பம் காலாவ​தி​யான நோட்​டரி வழக்​கறிஞரிடம் இருந்து பெறப்​பட்​ட​தாக பாமக​வினர் ஆட்​சேபனை தெரி​வித்​த​தால் பரிசீலனை நிறுத்தி வைக்​கப்​பட்​டது. இதையடுத்து அதற்​குரிய ஆவணங்​களைச் சமர்​பித்த பின்​னர், விஜய்​யின் மனு ஏற்​கப்​பட்​டது.

அதே​போல், திருச்சி கிழக்​குத் தொகு​தி​யில் போட்​டி​யிடும் தவெக தலை​வர் விஜய்​யின் மனு ஏற்​கப்​பட்​டது. வில்​லி​வாக்​கத்​தில் ஆதவ் அர்​ஜுனா சொத்து விவரங்​களை மறைத்​த​தாக சுயேச்சை வேட்​பாளர்​கள் குற்​றம் சாட்​டிய​தால், பரிசீலனை நிறுத்தி வைக்​கப்​பட்​டது. இறு​தி​யில் அவரது மனு​வும் ஏற்​கப்​பட்​டது.

கோபிச்​செட்​டிப்​பாளை​யம் தொகு​தி​யில் வரு​மான வரித் தாக்​கல் செய்​ய​வில்லை எனக் கூறி, தவெக வேட்​பாளர் செங்​கோட்​டையனின் வேட்பு மனு பரிசீலனை நிறுத்தி வைக்​கப்​பட்​டு, நீண்ட நேரம் கழித்து ஏற்​கப்​பட்​டது. அவருக்கு அதி​முக​வினர் எதிர்ப்பு தெரி​வித்​திருந்​தனர். சென்னை ஆர்​.கே.நகரில் தவெக வேட்​பாளர் மரிய வில்​சன் முறை​யாக மனுவை பூர்த்தி செய்​யாத​தால் பரிசீலனை நிறுத்தி வைக்​கப்​பட்டு கடைசி​யில் ஏற்​கப்​பட்​டது.

எடப்​பாடி தொகு​தி​யில் தவெக வேட்​பாளர் அருண்​கு​மார் மற்​றும் அவருக்கு மாற்று வேட்​பாள​ராக அவரது மனைவி நித்யா மனுத்​தாக்​கல் செய்​திருந்​தனர். அங்​கீகரிக்​கப்​ப​டாத அரசி​யல் கட்​சிகளின் வேட்​பாளரை அதே தொகு​தியை சேர்ந்த 10 பேர் முன்​மொழிய வேண்​டும் என்று விதி​முறை உள்​ளது.

ஆனால், அருண்​கு​மாரின் மனு​வில் 8 பேர் மட்​டுமே முன்​மொழிந்​துள்​ளனர். உரிய விதி​முறை​களைப் பின்​பற்​றாத​தால் அருண்​கு​மாரின் மனுவை தள்​ளு​படி செய்​து, தேர்​தல் நடத்​தும் அலு​வலர் நடராஜன் உத்​தர​விட்​டார். இதே காரணத்​துக்​காக, மாற்று வேட்​பாளர் நித்​யா​வின் மனு​வும் தள்​ளு​படி செய்​யப்​பட்​டது. இதனால், எடப்​பாடி தொகு​தி​யில் தவெக போட்​டி​யிட முடி​யாத சூழல் ஏற்​பட்​டுள்​ளது.

சிதம்​பரம் தொகு​தி​யில் தவெக வேட்​பாளர் பாரி​யின் வேட்பு மனு​வில் எழுத்​துப் பிழை மற்​றும் முறை​யாகப் பூர்த்தி செய்​யப்​ப​டாத காரணங்​களுக்​காக நிராகரிக்​கப்​பட்​டது. அதனால், மாற்று வேட்​பாள​ராக வேட்பு மனுத் தாக்​கல் செய்​திருந்த அவரது தந்தை நெடுஞ்​செழியனின் மனு ஏற்​கப்​பட்​டது.

பரிசீலனை முடி​வில் சென்​னை​யில் 462 உட்பட 234 தொகு​தி​களி​லும் 4,738 வேட்பு மனுக்​கள் ஏற்​றுக் கொள்​ளப்​பட்​டன. நாளை பிற்​பகல் 3 மணி வரை வேட்பு மனுக்​களை திரும்​பப் பெறு​வதற்கு கால அவகாசம் உள்​ளது. அதன்​பிறகு இறுதி வேட்​பாளர் பட்​டியல் வெளி​யாக​வுள்​ளது.

விஜய் பெயரில் 4 பேர்: தவெக தலை​வர் விஜய் போட்​டி​யிடும் பெரம்​பூர் தொகு​தி​யில் 66 வேட்பு மனுக்​கள் தாக்​கல் செய்​யப்​பட்​டன. இதில், விஜய்​யின் மனு உட்பட 48 பேரின் வேட்பு மனுக்​கள் ஏற்​கப்​பட்​டன. மற்ற மனுக்​கள் நிராகரிக்​கப்​பட்​டன. பொது​வாகவே நட்​சத்​திர வேட்​பாளரை வீழ்த்த, அவர் பெயரிலேயே மற்ற கட்​சிகள் அதி​க​மான சுயேச்சை வேட்​பாளர்​களை வேட்பு மனுத் தாக்​கல் செய்ய வைப்​பது வாடிக்​கை​யாக இருக்​கிறது.

அந்த வகை​யில் பெரம்​பூர் தொகு​தி​யில் போட்​டி​யிடும் தவெக தலை​வர் விஜய், அவரது முழுப்​பெய​ரான ஜோசப் விஜய் என்ற பெயரில் வேட்பு மனுத் தாக்​கல் செய்​துள்​ளார். அவருக்கு எதி​ராக எம்​.ஜோசப், எஸ்​.ஜோசப், கே.​விஜய், ஜி.​விஜய் ஆகியோர் களம் இறக்​கப்​பட்​டுள்​ளனர். இந்நிலையில், புதுச்சேரி, கேரளா, அசாம் ஆகிய 3 மாநிலங்களில் நேற்று மாலையுடன் தேர்தல் பிரச்சாரம் முடிந்தது. அந்த மாநிலங்களில் நாளை வாக்குப் பதிவு நடைபெறுகிறது.

48 மணி நேரத்துக்குள் முடிவு எடுக்காவிட்டால் ஈரான் மீது மிகப் பெரிய தாக்குதல் - ட்ரம்ப் எச்சரிக்கையால் உச்சக்கட்ட பதற்றம்

பதிவு: ஞாயிற்றுக்கிழமை, ஏப்ரல் 05, 2026, பங்குனி 22, விசுவாவசு வருடம் 03:20 AM

வாஷிங்டன்,

‘ஈரானுக்கு 10 நாட்கள் அவகாசம் அளித்தேன். இந்த கெடு நிறைவடைய 48 மணி நேரம் மட்டுமே இருக்கிறது. நேரம் கடந்து சென்று கொண்டிருக்கிறது. 48 மணி நேரத்துக்குள் அமெரிக்காவுடன் ஒப்பந்தத்தை இறுதி செய்யுங்கள் அல்லது ஹார்முஸ் ஜலசந்தியை திறந்து விடுங்கள்.

இல்லாவிட்டால் ஈரான் நரகமாக மாறும்’ என்று அமெரிக்க அதிபர் ட்ரம்ப் எச்சரித்துள்ளார். இதற்கேற்ப, அமெரிக்க வீரர்களும் தாக்குதலுக்கு தயாராகி வருவதால் மேற்கு ஆசியாவில் உச்சக்கட்ட போர்ப் பதற்றம் நிலவுகிறது

அமெரிக்கா, இஸ்ரேல் கூட்டுப் படைகள் மற்றும் ஈரான் ராணுவத்துக்கு இடையே கடந்த பிப்ரவரி 28-ம் தேதி முதல் போர் நடைபெற்று வருகிறது. இந்த போரின் எதிர்விளைவாக ஹார்முஸ் ஜலசந்தி பகுதியில் கச்சா எண்ணெய் கப்பல் போக்குவரத்தை ஈரான் ராணுவம் முடக்கியுள்ளது. இதனால் உலகம் முழுவதும் கச்சா எண்ணெய், எரிவாயுவுக்கு கடும் தட்டுப்பாடு ஏற்பட்டிருக்கிறது.

ட்ரம்ப் 15 அம்ச திட்டம்

ஈரானுக்கு எதிரான போரை முடிவுக்கு கொண்டுவர, அமெரிக்க அதிபர் ட்ரம்ப் 15 அம்ச திட்டத்தை கடந்த 25-ம் தேதி வெளியிட்டார். ‘ஹார்முஸ் ஜலசந்தியை திறக்க வேண்டும். இருப்பில் உள்ள யுரேனியத்தை சர்வதேச அணுசக்தி முகமையிடம் வழங்க வேண்டும். தீவிரவாத குழுக்களுக்கு ஆதரவு அளிப்பதை நிறுத்த வேண்டும்’ என்பது உள்ளிட்ட நிபந்தனைகளை அவர் விதித்தார். ஆனால், ஈரான் ராணுவம் இதை ஏற்கவில்லை.

இந்த சூழலில், கடந்த மாதம் அதிபர் ட்ரம்ப் சமூக வலைதளத்தில் வெளியிட்ட பதிவில், ‘அமெரிக்கா - ஈரான் இடையே அமைதிப் பேச்சுவார்த்தை நடைபெற்று வருகிறது. இதை கருத்தில் கொண்டு ஈரானின் மின் நிலையங்கள், எரிசக்தி நிலையங்கள் மீது 5 நாட்கள் தாக்குதல் நடத்தப்படாது’ என்று தெரிவித்தார்.

கடந்த மாத இறுதியில் ட்ரம்ப் கூறும் போது, “ஈரானுடன் அமைதிப் பேச்சுவார்த்தை தொடர்கிறது. எனவே அடுத்த 10 நாட்களுக்கு ஈரானின் எரிசக்தி நிலையங்கள் மீது தாக்குதல் நடத்தப்படாது’’ என்று தெரிவித்தார்.

தீவிரமடையும் போர்: எனினும் கடந்த சில நாட்களாக அமெரிக்கா, இஸ்ரேல் கூட்டுப் படைகள் மற்றும் ஈரான் ராணுவத்துக்கு இடையிலான போர் தீவிரமடைந்து வருகிறது. அமெரிக்காவின் 2 போர் விமானங்களை ஈரான் ராணுவம் நேற்று முன்தினம் சுட்டு வீழ்த்தியது. மேலும் இஸ்ரேல் மற்றும் மத்திய கிழக்கில் உள்ள அமெரிக்க ராணுவ தளங்கள் மீது ஈரான் ராணுவம் நேற்று ஏவுகணைகள், ட்ரோன்கள் மூலம் தாக்குதல் நடத்தியது.

இதற்கு பதிலடியாக ஈரானின் அணு சக்தி தளங்கள், ராணுவ தளங்கள் மீது அமெரிக்கா, இஸ்ரேல் போர் விமானங்கள் நேற்று அதிதீவிர தாக்குதல்களை நடத்தின. எனினும், ஈரானின் எரிசக்தி நிலையங்கள் மீது தாக்குதல் நடத்தப்படவில்லை.

இந்நிலையில், அமெரிக்க அதிபர் டொனால்டு ட்ரம்ப் சமூக வலைதளத்தில் நேற்று வெளியிட்ட பதிவில் கூறியிருப்பதாவது: ஈரானுக்கு 10 நாட்கள் அவகாசம் அளித்தேன். இந்த கெடு நிறைவடைய 48 மணி நேரம் மட்டுமே இருக்கிறது. நேரம் கடந்து சென்று கொண்டிருக்கிறது. 48 மணி நேரத்துக்குள் அமெரிக்காவுடன் ஒப்பந்தத்தை இறுதி செய்யுங்கள் அல்லது ஹார்முஸ் ஜலசந்தியை திறந்து விடுங்கள். இல்லாவிட்டால் ஈரான் நரகமாக மாறும். இவ்வாறு ட்ரம்ப் அதில் எச்சரிக்கை விடுத்துள்ளார்.

இதுகுறித்து அமெரிக்க ராணுவ வட்டாரங்கள் கூறியதாவது: 

அதிபர் ட்ரம்ப் விதித்த 10 நாள் கெடு ஏப்ரல் 6-ம் தேதி இரவு 8 மணியுடன் (இந்திய நேரப்படி 7-ம் தேதி அதிகாலை) நிறைவடைகிறது. அதற்குள்ளாக ஈரான் ஆட்சியாளர்கள், அமெரிக்காவுடன் ஒப்பந்தத்தை இறுதி செய்ய வேண்டும். இல்லாவிட்டால், ஈரான் மிக மோசமான விளைவுகளை சந்திக்க நேரிடும்.

போர்க் கப்பல்கள் முகாம்

அமெரிக்க கடற்படையின் 20-க்கும் மேற்பட்ட போர்க்கப்பல்கள் மத்திய கிழக்கு பகுதியில் முகாமிட்டு உள்ளன. குறிப்பாக ட்ரிபொலி போர்க்கப்பலை சேர்ந்த வீரர்கள் இந்தியப் பெருங்கடல் பகுதியில் அதிதீவிர போர் பயிற்சியில் ஈடுபட்டு வருகின்றனர். அவர்கள் தரைவழி தாக்குதல்களுக்கு தயாராக உள்ளனர்.

அமெரிக்காவின் பி-2 ஸ்பிரிட், எப்-35, எப்-22, எப்-15இ, ஏ-10 உள்ளிட்ட ரகங்களைச் சேர்ந்த 300-க்கும் மேற்பட்ட போர் விமானங்கள் அதிதீவிர தாக்குதல்களுக்கு தயாராக உள்ளன. பிஆர்எஸ்எம், டோமாஹாக், பேட்ரியாட், தாட், ஹிமார்ஸ், ஜிஎம்எல்ஆர்எஸ் உள்ளிட்ட அதிநவீன ஏவுகணைகள் மற்றும் எம்கியூ-9 ரக ட்ரோன்களின் எண்ணிக்கை அதிகரிக்கப்பட்டுள்ளது.

அதிபர் ட்ரம்ப் 48 மணி நேர இறுதி கெடுவை விதித்துள்ளார். இந்த கெடு முடிந்த பிறகு அமெரிக்கா, இஸ்ரேல் கூட்டுப் படைகள் இணைந்து ஈரான் மீது மிகப்பெரிய தாக்குதல்களை நடத்தும். ஈரான் நரகமாக மாறும் வரை தாக்குதல்கள் தொடரும். இவ்வாறு அமெரிக்க ராணுவ வட்டாரங்கள் தெரிவித்துள்ளன.

அமைதிப் பேச்சுக்கு பாகிஸ்தான் செல்ல மறுப்பா? - ஈரான் வெளியுறவு அமைச்சர் விளக்கம்

அமெரிக்கா - ஈரான் இடையே அமைதியை ஏற்படுத்தும் பாகிஸ்தானின் முயற்சியில் தடைகள் ஏற்பட்டுள்ளதாக செய்திகள் வெளியான நிலையில், ‘‘இஸ்லாமாபாத்தில் பேச்சுவார்த்தை நடத்த ஒருபோதும் நாங்கள் மறுப்பு தெரிவிக்கவில்லை’’ என்று ஈரானிய வெளியுறவுத் துறை அமைச்சர் அப்பாஸ் அராக்சி கூறியுள்ளார்.

இதுதொடர்பாக 'எக்ஸ்' சமூக வலைதளத்தில் அவர் வெளியிட்ட பதிவு

ஈரானின் நிலைப்பாட்டை அமெரிக்க ஊடகங்கள் தவறாகச் சித்தரிக்கின்றன. பாகிஸ்தானின் முயற்சிகளுக்கு எனது நன்றி. அமைதிப் பேச்சுவார்த்தைக்காக இஸ்லாமாபாத் செல்ல நாங்கள் ஒருபோதும் மறுத்தது இல்லை. எங்கள் மீது சுமத்தப்பட்டுள்ள சட்டவிரோதப் போருக்கு ஒரு உறுதியான மற்றும் நிரந்தரமான முடிவைக் கொண்டு வருவதற்கான விதிமுறைகளையே நாங்கள் முக்கியமாக கருதுகிறோம். இவ்வாறு அவர் தெரிவித்துள்ளார்.

இதற்கிடையே, ஈரான் பதில் அளிக்காததால் அமைதிப் பேச்சுவார்த்தை மந்தம் அடைந்துள்ளதாக அமெரிக்காவின் 'தி வால் ஸ்ட்ரீட் ஜர்னல்', பாகிஸ்தானின் 'டான்' ஆகிய இதழ்கள் செய்தி வெளியிட்டன. இந்த செய்திகளை பாகிஸ்தான் வெளியுறவு அமைச்சக செய்தித் தொடர்பாளர் தாஹிர் அந்த்ராபியும் மறுத்துள்ளார். இத்தகைய செய்திகள் அடிப்படையற்றவை, கற்பனையானவை என்று அவர் கூறியுள்ளார்.

தமிழக சட்டசபை தேர்தல் - பாஜக வேட்பாளர் பட்டியல் - அமர்பிரசாத் ரெட்டி, வினோஜ்.பி.செல்வம், எஸ்.ஜி.சூர்யா.. சீட் இல்லை

சனிக்கிழமை, ஏப்ரல் 04, 2026, பங்குனி 21, விசுவாவசு வருடம் 04:50 AM

சென்னை,

வரும் சட்டசபை தேர்தலில் அண்ணாமலைக்கு சீட் வழங்கப்படாதது பாஜகவில் அவரது ஆதரவாளர்களை அப்செட் ஆக்கியுள்ளது. அண்ணாமலை மட்டுமல்லாமல் அவரது தீவிர ஆதரவாளர்களான பலருக்கும் சீட் வழங்கப்படவில்லை. இதனால், அண்ணாமலையின் கை சறுக்கி இருப்பதாகச் சொல்கிறார்கள் அரசியல் விமர்சகர்கள். அதிமுக கூட்டணியில் 27 தொகுதிகளை பெற்ற பாஜக, இன்று வேட்பாளர் பட்டியலை அறிவித்துள்ளது. தொகுதிப் பங்கீட்டின்போதே பாஜகவுக்கு, அதிமுக வெற்றி வாய்ப்பு இல்லாத பெரும்பாலான தொகுதிகளை தள்ளிவிட்டதாக அண்ணாமலை உள்ளிட்ட சிலர் விமர்சனம் செய்ததாக தகவல்கள் வெளியாகி இருந்தன.

இதன் காரணமாக, அதிமுகவிடம் சில தொகுதிகளை மாற்றி வாங்க பாஜக முயற்சித்ததாகவும் தகவல்கள் பரவின. ஆனால், தொகுதிப் பங்கீட்டை முடித்த கையோடு உடனடியாக வேட்பாளர்களையும் அறிவித்து ஒரு வாரமாக தொடர்ந்து பிரச்சாரமும் மேற்கொண்டு வருகிறார் அதிமுக பொதுச்செயலாளர் பழனிசாமி. இது பாஜகவில் சலசலப்புகளை ஏற்படுத்தி இருந்தது. பாஜகவில் வேட்பாளர் தேர்வில் சிக்கல்கள் நிலவி வந்தன. சில முக்கிய தலைவர்கள் ஒரே தொகுதியை குறிவைத்து கேட்டதும், வேட்பாளர் அறிவிப்பு தாமதமானதற்கு காரணமாக சொல்லப்பட்டது. 

வேட்புமனு தாக்கல் நிறைவடைய இன்னும் சொற்ப நாட்களே உள்ள நிலையில், இன்றுதான் வேட்பாளர்களை அறிவித்துள்ளது பாஜக. கடந்த முறை நெல்லை தொகுதியில் வென்ற நயினார் நாகேந்திரன் இம்முறை சாத்தூரிலும், கடந்த முறை கோவை தெற்கு தொகுதியில் வென்ற வானதி சீனிவாசன் இம்முறை கோவை வடக்கிலும் போட்டியிடுகின்றனர். 

நாகர்கோவில் தொகுதி மீண்டும் எம்.ஆர்.காந்திக்கே ஒதுக்கப்பட்டுள்ளது. மொடக்குறிச்சியில் கடந்தமுறை வென்ற சி.சரஸ்வதிக்கு பதிலாக அவரது மருமகளான கிருத்திகா சிவக்குமாருக்கு இம்முறை சீட் வழங்கப்பட்டுள்ளது. அவிநாசி (தனி) தொகுதியில் மத்திய இணையமைச்சர் எல்.முருகன் களமிறங்குகிறார். 

மயிலாப்பூரில் முன்னாள் ஆளுநர் தமிழிசை சவுந்தரராஜனும், மதுரை தெற்கு தொகுதியில் பேராசிரியர் ராம சீனிவாசனும், தஞ்சாவூரில் கருப்பு முருகானந்தமும் வேட்பாளர்களாகப் போட்டியிடுகின்றனர். காங்கிரஸில் இருந்து எல்எல்ஏ பதவியை ராஜினாமா செய்துவிட்டு, பாஜகவில் இணைந்திருந்த விஜயதாரணிக்கு இந்த முறை விளவங்கோட்டில் வாய்ப்பளிக்கப்பட்டுள்ளது. மொத்தமாக 5 பெண்கள் இம்முறை பாஜக சார்பில் சீட் பெற்றுள்ளனர்.

பாஜக வேட்பாளர் பட்டியலில் மிகப்பெரிய ஷாக், அண்ணாமலைக்கு சீட் வழங்கப்படாதது தான். இந்த முறை தொகுதி மற்றும் வேட்பாளர் தேர்வில் நயினார் நாகேந்திரன், எல்.முருகனின் கையே ஓங்கியிருந்ததாக கூறப்படுகிறது. இதனால், அண்ணாமலைக்கு சாதகமான தொகுதிகளை அதிமுகவில் கேட்டுப் பெறாமல் இருந்துவிட்டனர் என்று அவரின் ஆதரவாளர்கள் குற்றம்சாட்டுவதாக கூறப்படுகிறது. 

கடந்த முறை அரவக்குறிச்சியில் போட்டியிட்ட அண்ணாமலை, இந்த முறை கோவையின் சிங்காநல்லூர் அல்லது கவுண்டம்பாளையம் தொகுதிகளை கேட்டு வந்தார். ஆனால், அதிமுக கூட்டணியில் பாஜகவுக்கு கோவை வடக்கு தொகுதி மட்டுமே ஒதுக்கப்பட்டது. இதனால் மொடக்குறிச்சியில் அண்ணாமலையை போட்டியிட சொல்லி தலைமை கேட்டுக்கொண்டதாக தகவல் வெளியானது. ஆனால், தனக்கு சாதகமான தொகுதி எதுவும் இல்லாததால் இம்முறை போட்டியிடுவதில்லை என்று அண்ணாமலை உறுதியாக மறுத்துவிட்டதாக சொல்லப்படுகிறது. 

சீட் அதிருப்தி காரணமாக சென்னையில் நடந்த பாஜக ஆலோசனைக் கூட்டத்திலும் அண்ணமலை பங்கேற்கவில்லை. அண்மையில் பிரதமர் மோடி கோவை வந்தபோது அவரை வரவேற்கவும் அண்ணாமலை செல்லவில்லை. 

2024 மக்களவைத் தேர்தலில் அண்ணாமலை தலைமையில் மூன்றாவது அணியமைத்து களம் கண்ட பாஜக, பல தொகுதிகளில் இரண்டாம் இடம் பிடித்தது. பாஜகவின் எழுச்சிக்கு காரணமாக அக்கட்சியின் இளைய தலைமுறையால் கொண்டாடப்பட்ட அண்ணாமலைக்கு சீட் வழங்கப்படாதது, அவரது ஆதரவாளர்களுக்கு அதிர்ச்சி அளித்துள்ளது. 

அண்ணாமலை மட்டுமல்லாமல் அவரது ஆதரவாளர்களான அமர்பிரசாத் ரெட்டி, அஸ்வத்தாமன், எஸ்.ஜி.சூர்யா, வினோஜ்.பி.செல்வம், ஏபி முருகானந்தம் ஆகியோருக்கும் இந்த முறை சீட் கிடைக்கவில்லை. அவர்கள் தங்களுக்கு சீட் கிடைக்காத வருத்தத்தில் இருப்பதாக தகவல்கள் வெளியாகி வருகின்றன. 

வேளச்சேரி தொகுதியில் நீண்ட நாட்களாக போட்டியிட தீவிரம் காட்டி வந்தார் பாஜக இளைஞரணி தலைவர் எஸ்.ஜி.சூர்யா. இவர் அண்ணாமலையின் தீவிர ஆதரவாளர். அண்ணாமலை இவருக்கு பரிந்துரை செய்தும் அவருக்கு வாய்ப்பு வழங்கப்படவில்லை. 

எஸ்.ஜி.சூர்யா போட்டியிட விரும்பிய வேளச்சேரி தொகுதி அதிமுகவுக்கு ஒதுக்கப்பட்டு, அங்கு அசோக் என்பவர் போட்டியிடுகிறார். பாஜக மாநிலச் செயலாளர் வினோஜ் பி.செல்வம், சென்னை துறைமுகம் தொகுதியில் போட்டியிட முயற்சி செய்து வந்தார். 

2024 ஆம் ஆண்டு மக்களவைத் தேர்தலில் சென்னை மத்திய தொகுதியில் திமுக வேட்பாளர் தயாநிதி மாறனை எதிர்த்து போட்டியிட்ட பாஜக வேட்பாளர் வினோஜ் பி. செல்வம் 1,69,159 வாக்குகள் பெற்று இரண்டாம் இடம்பிடித்தார். 

வினோஜ் பி செல்வம் தனக்கு இந்த முறை துறைமுகம் தொகுதியில் வாய்ப்பு கிடைக்கும் என்று எதிர்பார்த்த நிலையில், அந்தத் தொகுதி பாஜகவுக்கு வழங்கப்படவில்லை. அங்கு அதிமுக வேட்பாளர் ராயபுரம் மனோ போட்டியிடுகிறார்.

அதேபோல, பாஜகவின் மாநில பொறுப்பாளராக இருந்த அமர் பிரசாத் ரெட்டி, தளி தொகுதியில் போட்டியிட விரும்பி, சீட் பெற முயற்சித்து வந்தார். அவருக்கும் இந்த முறை வாய்ப்பு மறுக்கப்பட்டுள்ளது. 

மேலும், ஏபி முருகானந்தம், அஸ்வத்தாமன் ஆகியோரும் சீட் பெற முயற்சித்தனர். அவர்களுக்கும் சீட் மறுக்கப்பட்டுள்ளது. அண்ணாமலைக்கு சீட் வழங்கப்படாதது மட்டுமல்ல, அவரது ஆதரவாளர்களும் மொத்தமாக ஓரங்கட்டப்பட்டுள்ளனர் என்கின்றனர் அரசியல் நோக்கர்கள். 

ஒருகாலத்தில் தமிழக பாஜகவின் முகமாக பார்க்கப்பட்ட அண்ணாமலை தற்போது முற்றிலுமாக புறக்கணிக்கப்பட்டுள்ளது அவரது ஆதரவாளர்களை கடும் அதிர்ச்சிக்கு உள்ளாக்கியுள்ளது.

அமெரிக்கா நிரந்தர அவமானத்தை சந்திக்கும் வரை போர் தொடரும் - ஈரான் திட்டவட்டம் - அதிபர் டொனால்டு ட்ரம்ப்புக்கு பதிலடி

பதிவு: வெள்ளிக்கிழமை, ஏப்ரல் 03, 2026, பங்குனி 20, விசுவாவசு வருடம் 03:00 AM

தெஹ்ரான்,

அமெரிக்க அதிபர் டொனால்டு ட்ரம்ப் நாட்டு மக்களுக்கு ஆற்றிய உரையின்போது தெரிவித்த கருத்துகளுக்கு, ஈரான் ராணுவம் கடுமையான பதிலடி கொடுத்துள்ளது. அமெரிக்கா நிரந்தர அவமானத்தை சந்திக்கும் வரை தற்போதைய போர் நீடிக்கும் என்று ஈரான் எச்சரித்துள்ளது.

ஈரான் அரசு ஊடகமான பிரஸ் டிவியில் கதம் அல்-அன்பியா மத்திய தலைமையகத்தின் செய்தித் தொடர்பாளர் வெளியிட்ட அறிக்கையில், ‘எங்கள் ராணுவ ஆற்றல் மற்றும் எங்கள் ஆயுதங்கள் குறித்த அமெரிக்காவின் உளவுத் தகவல் முழுமையற்றது.

எங்களின் உண்மையான ஆற்றலைப் பற்றி உங்களுக்கு எதுவும் தெரியாது. எங்களின் முக்கியமான ஏவுகணை உற்பத்தித் தளங்கள், நீண்ட தூரத் தாக்குதல் ட்ரோன்கள், நவீன வான் பாதுகாப்பு அமைப்புகள், மின்னணுப் போர் மற்றும் சிறப்பு ஆயுதங்களை நீங்கள் அழித்துவிட்டதாக எண்ண வேண்டாம்.

அத்தகைய அனுமானங்கள் நீங்கள் சிக்கியுள்ள சகதியை மேலும் ஆழமாக்கும். நீங்கள் தாக்கியதாக நினைக்கும் எங்கள் தளங்கள் முக்கியமற்றவை; எங்களின் முக்கிய ராணுவ உற்பத்தி, உங்களுக்குத் தெரியாத மற்றும் உங்களால் ஒருபோதும் அடைய முடியாத இடங்களில் நடைபெறுகிறது.

எங்களின் ஏவுகணைகள், ட்ரோன்கள் மற்றும் ஆயுத தளங்களை அடைய நீங்கள் முயற்சி செய்ய வேண்டாம்; நீங்கள் தவறாகவே அதனை கணிப்பீர்கள். உங்களால் எதையும் சாதிக்க முடியாது.

எங்கள் கண்ணியமிக்க, அன்புக்குரிய, முஸ்லிம் தேசத்துக்கு எதிராக நீங்கள் தொடங்கிய போருக்கு நீங்கள் விலை கொடுக்க வேண்டும். நீங்கள் நிரந்தர அவமானத்தையும், வருத்தத்தையும், சரணடைதலையும் சந்திக்கும் வரை இந்தப் போர் தொடரும்.

நீங்கள் ஏற்கெனவே பெற்ற கடுமையான அடிகளின் தொடர்ச்சியாக, எங்களிடமிருந்து மேலும் பேரழிவை ஏற்படுத்தும் தாக்குதல்களை எதிர்பார்க்கலாம்’ எனத் தெரிவிக்கப்பட்டுள்ளது.

கதம் அல்-அன்பியா தலைமையகம் என்பது ஈரானின் கட்டளையிடும் மிக முக்கிய அமைப்பாகும். இது ஈரான் ராணுவம் மற்றும் இஸ்லாமியப் புரட்சிகர காவல் படை (IRGC) ஆகியவற்றுக்கு இடையேயான நடவடிக்கைகளை ஒருங்கிணைக்கிறது.

முன்னதாக நாட்டு மக்களுக்கு ட்ரம்ப் ஆற்றிய உரையில், “ஈரானுக்கு எதிராக அமெரிக்க ராணுவம் தீர்க்கமான தாக்குதல்களை நடத்தியது. இந்த ராணுவ நடவடிக்கையின் முக்கிய நோக்கம் நிறைவடையும் தருவாயில் உள்ளது. இப்போது ஈரானின் கடல்சார் மற்றும் வான்வழித் திறன்கள் முறையாகச் சிதைக்கப்பட்டுள்ளது.

அந்நாட்டின் பரந்த அளவிலான ராணுவக் கட்டமைப்பும் கடுமையாகப் பலவீனப்படுத்தப்பட்டுள்ளது. அந்நாட்டின் பெரும்பாலான தலைவர்கள் தற்போது கொல்லப்பட்டுவிட்டனர்.

இந்த தாக்குதலில் ஈரானின் ஆயுதத் தொழிற்சாலைகளும், ராக்கெட் ஏவுதளங்களும் துண்டு துண்டாகச் சிதறடிக்கப்பட்டு வருகின்றன.அவற்றில் மிகச் சிலவே எஞ்சியுள்ளன. அமெரிக்கா முன்னெப்போதையும் விடப் பிரம்மாண்டமான வெற்றியைப் பெற்று வருகிறது" என்று கூறியது குறிப்பிடத்தக்கது.

தமிழக சட்டம் - ஒழுங்கு டிஜிபி மாற்றம் - புதிய டிஜிபியாக சந்தீப் ராய் ரத்தோர் நியமனம்

பதிவு: வெள்ளிக்கிழமை, ஏப்ரல் 03, 2026, பங்குனி 20, விசுவாவசு வருடம் 02:30 AM

சென்னை,

தமிழ்நாட்டின் சட்டம் - ஒழுங்கு டிஜிபியை மாற்றி தேர்தல் ஆணையம் உத்தரவிட்டுள்ளது.

தமிழக காவல்துறையின் சட்டம் ஒழுங்கு டிஜிபியாக சந்தீப் ராய் ரத்தோரை நியமித்து தலைமை தேர்தல் ஆணையம் உத்தரவிட்டுள்ளது. அவர் உடனடியாக பொறுப்பேற்றார். தாம்பரம், மதுரை காவல் ஆணையர்கள், தூத்துக்குடி, சேலம் மாவட்ட ஆட்சியர்களும் மாற்றப்பட்டுள்ளனர்.

தமிழக சட்டப்பேரவை தேர்தலுக்கான அறிவிப்பு கடந்த மார்ச் 15-ம் தேதி வெளியானது. அன்று முதல் தேர்தல் நடத்தை விதிகள் அமலுக்கு வந்தன. தமிழகம் முழுவதும் தொகுதி வாரியாக பறக்கும் படைகள், நிலைக்கண்காணிப்புக் குழுக்கள் அமைக்கப்பட்டு, கண்காணிப்பு தீவிரப்படுத்தப்பட்டுள்ளது.

இதுதவிர, தேர்தல் பாதுகாப்பு பணிக்காக 250 கம்பெனி துணை ராணுவப் படையினரை தேர்தல் ஆணையம் அனுமதித்துள்ளது. இதையடுத்து, பல்வேறு மாநிலங்களில் இருந்து துணை ராணுவப் படையினர் தமிழகத்துக்கு வந்துகொண்டிருக்கின்றனர். இதற்கிடையே, தேர்தல் அறிவிக்கை கடந்த மார்ச் 30-ம் தேதி வெளியிடப்பட்டு, அன்று முதல் வேட்புமனுத் தாக்கல் தொடங்கியுள்ளது. மனுத் தாக்கல் செய்த வேட்பாளர்கள் தங்களது தொகுதிகளில் பிரச்சாரத்தையும் தொடங்கினர்.

அந்த வகையில், சில நாட்களுக்கு முன்பு, சென்னை பெரம்பூர் தொகுதியில் வேட்புமனு தாக்கல் செய்த தவெக தலைவர் விஜய், அங்கு பிரச்சாரத்தையும் தொடங்கினார். அனுமதி பெறப்பட்ட 4 இடங்களில் 2 இடங்களில் மட்டுமே பிரச்சாரம் செய்தார். மற்ற இடங்களில் காவல் துறையினர் போதிய பாதுகாப்பு வழங்கவில்லை என்று பிரச்சாரத்தை ரத்து செய்தார். இதுகுறித்து தலைமை தேர்தல் அதிகாரியிடமும் புகார் கொடுத்தார்.

இதற்கிடையே, அக்கட்சியின் வில்லிவாக்கம் தொகுதி வேட்பாளர் பங்கேற்ற கூட்டத்தில் மதுபாட்டில் வீசப்பட்டது. இது தொடர்பாகவும் தேர்தல் அதிகாரியிடம் புகார் அளிக்கப்பட்டது. இதைத் தொடர்ந்து, விஜய் பாதுகாப்பு தொடர்பாக டிஜிபிக்கு கடிதம் எழுதிய தலைமை தேர்தல் அதிகாரி அர்ச்சனா பட்நாயக், அனைவருக்கும் போதிய பாதுகாப்பு அளிக்குமாறு கேட்டுக் கொண்டார். அத்துடன், நடந்த சம்பவம் குறித்து மாவட்ட தேர்தல் அதிகாரியிடம் அறிக்கையும் கோரினார். இதைத் தொடர்ந்து, பாதுகாப்பு கோரி தவெக சார்பில் நேற்று முன்தினம் மத்திய உள்துறை அமைச்சகத்துக்கு கடிதம் அனுப்பப்பட்டது.

இந்நிலையில், பல்வேறு உத்தரவுகளை தேர்தல் ஆணையம் நேற்று பிறப்பித்தது. அதன்படி, தமிழக காவல் துறையின் சட்டம் - ஒழுங்கு டிஜிபியாக இருந்த ஜி.வெங்கடராமன் மாற்றப்பட்டு அவருக்கு பதில், காவல் உயர்பயிற்சியக டிஜிபியாக இருந்த சந்தீப் ராய் ரத்தோரை நியமித்து தேர்தல் ஆணையம் உத்தரவிட்டுள்ளது.

இதுதவிர, தாம்பரம் காவல் ஆணையர் ஏ.அமல்ராஜ் மாற்றப்பட்டு, அவருக்கு பதிலாக சஞ்சய் குமார் நியமிக்கப்பட்டுள்ளார். மதுரை காவல் ஆணையராக இருந்த ஜெ.லோகநாதனுக்கு பதிலாக அபிஷேக் தீக்‌ஷித் நியமிக்கப்பட்டுள்ளார். மேற்கு மண்டல ஐ.ஜி.யாக இருந்த சரவண சுந்தர் மாற்றப்பட்டு, அந்த இடத்துக்கு குற்றப்பிரிவு ஐ.ஜி.யாக இருந்த ரம்யா பாரதிநியமிக்கப்பட்டுள்ளார்.

இதேபோல, சேலம் மாவட்ட ஆட்சியராக இருந்த பிருந்தா தேவிக்கு பதிலாக அருண் தம்புராஜ், தூத்துக்குடி மாவட்ட ஆட்சியர் இளம் பகவத்துக்கு பதிலாக விசு மகாஜன் நியமிக்கப்பட்டுள்ளனர். இதற்கான உத்தரவையும் தேர்தல் ஆணையம் பிறப்பித்துள்ளது. புதிய டிஜிபி உடனடியாக பதவி ஏற்குமாறு தேர்தல் ஆணையம் அறிவுறுத்திய நிலையில், நேற்று இரவே அவர் பொறுப்பேற்றுக் கொண்டார்.

தேர்தல் தொடர்பான புகார்கள் வந்ததை அடுத்து, விருதுநகர், நாமக்கல், கரூர் உட்பட 8 மாவட்ட எஸ்பிக்கள் ஏற்கெனவே மாற்றப்பட்டுள்ளனர். சட்டப்பேரவைத் தேர்தல் நெருங்கும் நிலையில், விரைவில் மேலும் பல ஐஏஎஸ் மற்றும் காவல் துறை உயர் அதிகாரிகள் மாற்றப்படலாம் என்று கூறப்படுகிறது.

சந்தீப் ராய் ரத்தோர் யார்?

டெல்லியைச் சேர்ந்த சந்தீப் ராய் ரத்தோர் 1992-ம் ஆண்டு தமிழக கேடர் ஐபிஎஸ் அதிகாரியாக தேர்வானவர். தமிழக காவல் துறையில் பல முக்கிய பொறுப்புகள், குறிப்பாக சிபிசிஐடி மற்றும் சிஐஎஸ்எஃப் ஆகியவற்றில் பணியாற்றிய அனுபவம் பெற்றவர். கோவை தொடர் குண்டுவெடிப்பு வழக்கில் முக்கிய குற்றவாளிகளை கைது செய்ததில் முக்கியப் பங்காற்றினார்.

ஆவடி காவல் ஆணையரகத்தின் முதல் ஆணையராக நியமிக்கப்பட்டார். பின்னர், சென்னை காவல் ஆணையராகப் பணியாற்றியவர், 2024 ஜூலையில் ஆம்ஸ்ட்ராங் கொலைக்குப் பிறகு, காவல் உயர் பயிற்சியகத்துக்கு மாற்றப்பட்டார். சிறந்த பணிக்கான மத்திய, மாநில அரசுகளின் பதக்கங்களைப் பெற்றவர் என்பது குறிப்பிடத்தக்கது.
 

புதுச்சேரியில் ஏப்ரல் 6 அன்று ஸ்டாலினுக்கும் அமித் ஷாவுக்கும் இடையே பிரச்சார மோதல்

பதிவு: வியாழக்கிழமை, ஏப்ரல் 02, 2026, பங்குனி 19, விசுவாவசு வருடம் 03:00 AM

புதுச்சேரி, 

ஏப்ரல் 9 அன்று நடைபெறவிருக்கும் பிரதேச சட்டமன்றத் தேர்தலுக்கு முன்னதாக, மூத்த பாஜக தலைவரும் மத்திய உள்துறை அமைச்சருமான அமித் ஷாவும், தமிழக முதலமைச்சர் மு.க. ஸ்டாலினும் ஏப்ரல் 6 அன்று புதுச்சேரியில் பிரச்சாரம் செய்ய உள்ளனர்.

முன்னதாக, பிரதமர் நரேந்திர மோடி, அஜந்தா சிக்னல் சந்திப்பிலிருந்து அண்ணா சதுக்கம் வரை நடைபெறும் சாலைப் பேரணியில் பங்கேற்பதற்காக ஏப்ரல் 3 அன்று புதுச்சேரிக்கு வருகை தரவுள்ளார். அவர் சென்னைக்கு வந்து, அங்கிருந்து ஹெலிகாப்டர் மூலம் புதுச்சேரிக்குச் சென்று, பின்னர் அன்றைய தினம் சென்னை திரும்பி பாஜக தலைவர்களைச் சந்திக்க உள்ளார்.

ஏப்ரல் 4 அன்று, முன்னாள் தெலங்கானா ஆளுநர் தமிழிசை சௌந்தரராஜன் போட்டியிடும் சென்னையின் மயிலாப்பூர் தொகுதியில் மோடி பிரச்சாரம் செய்வார் என எதிர்பார்க்கப்படுகிறது. மேலும், அவர் ஒரு சாலைப் பேரணியையும் நடத்தக்கூடும்.

பிரதமரின் வருகையை முன்னிட்டு புதுச்சேரியில் பாதுகாப்பு ஏற்பாடுகள் தீவிரப்படுத்தப்பட்டுள்ளன. அவரது பாதுகாப்புக் குழுவினர் உள்ளூர் காவல்துறையுடன் ஒருங்கிணைந்து செயல்படுவதுடன், சாலைப் பேரணி செல்லும் பாதையையும் ஆய்வு செய்து வருகின்றனர்.

இதற்கிடையில், பாஜக தேசியத் தலைவர் நிதின் நபின் ஏப்ரல் 4 அன்று காரைக்காலில் பிரச்சாரம் மேற்கொள்வார், அதனைத் தொடர்ந்து மறுநாள் புதுச்சேரியிலும் தேர்தல் பிரச்சாரத்தைத் தொடர்வார்.

ஏப்ரல் 6 அன்று, அமித் ஷா திருக்கனூரில் என்டிஏ வேட்பாளர்களுக்கு ஆதரவாக ஒரு பொதுக்கூட்டத்தில் உரையாற்றுவார், அதே நேரத்தில் ஸ்டாலின் தட்டஞ்சாவடியில் ஒரு பேரணியில் பேச உள்ளார்.

வாக்குப்பதிவுக்கு ஒரு வாரத்திற்கும் குறைவான காலமே உள்ள நிலையில், முதலமைச்சர் என். ரங்கசாமி தலைமையிலான ஏஐஎன்ஆர்சி தலைமையிலான என்டிஏ அரசு, தொடர்ச்சியாக இரண்டாவது முறையாக ஆட்சியைப் பிடிக்க முயல்வதால், அரசியல் நடவடிக்கைகள் தீவிரமடைந்துள்ளன.

நாடு முழுவதும் எரிவாயு கிடைப்பதை உறுதி செய்யுங்கள் - டெல்லியில் பாதுகாப்புக் கவுன்சில் அவசர கூட்டத்தில் பிரதமர் மோடி அறிவுறுத்தல்

பதிவு: வியாழக்கிழமை, ஏப்ரல் 02, 2026, பங்குனி 19, விசுவாவசு வருடம் 02:10 AM

புதுடெல்லி,

ஈ​ரான் - அமெரிக்க, இஸ்​ரேல் போரால் மேற்​காசி​யா​வில் பதற்​றம் தொடரும் நிலை​யில், பிரதமர் நரேந்​திர மோடி தலை​மை​யில் நேற்று இரவு பாது​காப்​புக்​கான அமைச்​சரவை கவுன்​சில் (சிசிஎஸ்) ஆலோ​சனை நடத்​தி​யது. ஈரான் போரால் ஏற்​பட்​டுள்ள நெருக்​கடியை சமாளிக்க எடுக்​கப்பட வேண்​டிய நடவடிக்​கைகள் குறித்து இந்​தக் கூட்​டத்​தில் விவா​திக்​கப்​பட்​டது.

அமெரிக்கா​வும் இஸ்​ரேலும் இணைந்து ஈரானுக்கு எதி​ராக கடந்த பிப்​ர​வரி 28-ம் தேதி போரைத் தொடங்​கின. இந்​தப் போரில் ஈரான் நாட்​டின் உச்ச தலை​வர் அயத்​துல்லா அலி காமேனி உள்​ளிட்ட பல்​வேறு முக்​கிய தலை​வர்​கள் உயி​ரிழந்​தனர்.

இதையடுத்​து, ஈரான் கடும் பதிலடியை கொடுக்​கத் தொடங்​கியது. வளை​குடா நாடு​களில் அமைந்​துள்ள அமெரிக்க ராணுவ தளங்​கள் மீது ஈரான் கடும் தாக்​குதலை நடத்​தி​யது. கடந்த ஒரு மாதத்​துக்​கும் மேலாக போர் தொடர்ந்து நடை​பெற்று வரு​கிறது. வளை​குடா நாடு​களில் உள்ள அமெரிக்க நிலைகளைக் குறி​வைத்து ஈரான் தாக்​குதல்​களை நடத்​து​வ​தால் கச்சா எண்​ணெய்யை மற்ற நாடு​களுக்கு அனுப்​புவ​தில் கடும் சிரமம் ஏற்​பட்​டுள்​ளது. மேலும், எண்​ணெய் கப்​பல்​கள் செல்​லும் ஹார்​முஸ் ஜலசந்​தியை ஈரான் முற்​றி​லும் முடக்​கி​யுள்​ளது. இதனால், சர்​வ​தேச அளவில் எரிபொருள் தட்​டுப்​பாடு அதி​கரித்​துள்​ளது.

இந்​நிலை​யில், பாது​காப்​புக்​கான மத்​திய அமைச்​சர​வைக் குழு கூட்​டம் பிரதமர் நரேந்​திர மோடி தலை​மை​யில் நேற்று இரவு 7 மணிக்கு டெல்​லி​யில் நடை​பெற்​றது.

டெல்​லி​யில் பிரதமரின் அதி​காரப்​பூர்வ அலு​வல​கத்​தில் நடை​பெற்ற இந்​தக் கூட்​டத்​தில், பாது​காப்​புத் துறை அமைச்​சர் ராஜ்​நாத் சிங், உள்​துறை அமைச்​சர் அமித் ஷா, நிதி அமைச்​சர் நிர்​மலா சீதா​ராமன், வெளி​யுறவு அமைச்​சர் எஸ்​.ஜெய்​சங்​கர் உள்​ளிட்​டோர் பங்​கேற்​றனர்.

மேலும், பொருளா​தா​ரம் மற்​றும் உள்​கட்​டமைப்​புத் துறை​களைக் கையாளும் பல மூத்த அமைச்​சர்​களும் இந்த கூட்​டத்​தில் கலந்து கொண்​டனர். மேற்​காசி​யா​வில் தொடரும் போர், அதனால் இந்​தி​யா​வில் ஏற்​பட்​டுள்ள தாக்​கங்​கள், நாடு சந்​தித்து வரும் பிரச்​சினை​கள், அதற்​கான தீர்​வு​கள் உள்​ளிட்​டவை குறித்து இந்​தக் கூட்​டத்​தில் அமைச்​சர்​களு​டன் பிரதமர் மோடி விரி​வான ஆலோ​சனை நடத்​தி​னார்.

மேலும், ஈரான் போரால் ஏற்​பட்​டுள்ள நெருக்​கடியைச் சமாளிக்க எடுக்க வேண்​டிய உடனடி நடவடிக்​கைகள் குறித்து தீவிர​மாக ஆலோ​சனை நடத்​தப்​பட்​டது. குறிப்​பாக நாட்​டில் எரிபொருள் மற்​றும் எல்​பிஜி, பிஎன்ஜி விநி​யோகத்​தின் தொடர்ச்​சியை மதிப்​பிட வேண்​டும் என்​றும், உணவு மற்​றும் உரங்​களில் பதுக்​கல் மற்​றும் செயற்​கை​யான விலை உயர்​வு​களைத் தடுப்​ப​தற்​கான நடவடிக்​கைகளை மேற்​கொள்ள வேண்​டும் என்​றும் கூட்​டத்​தில் முடிவு செய்​யப்​பட்​டது.

அது​மட்​டுமல்​லாமல் வளை​குடா நாடு​களில் உள்ள இந்​தி​யர்​களை அங்​கிருந்து பாது​காப்​பாக வெளி​யேற்றி இந்​தி​யா​வுக்கு அழைத்து வரு​வதற்​கான சாத்​தி​யக்​கூறுகள் குறித்​தும் ஆலோ​சனை நடத்​தப்​பட்​டது.

இதே பிரச்​சினை தொடர்​பாக, இதற்கு முன்பு பாது​காப்​புக்​கான மத்​திய அமைச்​சர​வைக் குழு கூட்​டம் பிரதமர் மோடி தலை​மை​யில் கடந்த மார்ச் 22-ம் தேதி கூடி ஆலோ​சனை நடத்​தி​யது. இதில், மேற்​காசிய போரால் ஏற்​பட்​டுள்ள உலகளா​விய சூழல் குறித்​தும், இந்​திய அரசின் தொடர்​புடைய அமைச்​சகங்​கள் மற்றும் துறைகள் இதுவரை எடுத்துள்ள தணிப்பு நடவடிக்கைகள் குறித்தும் அமைச்சரவைச் செயலாளர் விரிவாக விளக்கியிருந்தது குறிப்பிடத்தக்கது.

இரவு 7 மணிக்கு தொடங்​கிய கூட்​டம் 9.15 மணிக்கு நிறைவடைந்​தது. மத்​திய பாது​காப்​புக்​கான அமைச்​சர​வைக் கவுன்​சில் கூட்​டத்​தில் நடந்த ஆலோ​சனை தொடர்​பாக செய்​தி​யாளர்​களுக்கு மத்​திய வெளி​யுறவுத் துறை செய்​தித் தொடர்​பாளர் ரந்​திர் ஜெய்​ஸ்​வால் விளக்​கி​னார். செய்​தி​யாளர்​களிடம் அவர் கூறிய​தாவது:

மேற்​காசி​யா​வில் நடந்து வரும் போரின் காரண​மாக பல்​வேறு தாக்​கங்​கள் நிகழ்ந்து வரு​கின்​றன. இதை இந்​தியா ராஜதந்​திர ரீதி​யாக அணுகி வரு​கிறது. இந்த விவ​காரத்​தில் ராஜதந்​திர ரீதி​யாக நாங்​கள் பரந்த சர்​வ​தேச சமூகத்​துடன் தொடர்ந்து தொடர்​பில் இருந்து வரு​கிறோம்.

மேற்​காசிய போர் தொடர்​பாக பிரதமர் நரேந்​திர மோடி, நெதர்​லாந்து பிரதமர் ராப் ஜெட்​டனைத் தொடர்பு கொண்டு பேசி​னார். அப்​போது, இரு​நாட்டு உறவு​களை மேலும் வலுப்​படுத்​து​வதற்​கான வழிகள் குறித்து 2 நாட்டு தலை​வர்​களும் நீண்ட ஆலோ​சனையை நடத்​தினர்.

அதே நேரத்​தில், மேற்கு ஆசி​யா​வின் நிலைமை குறித்​தும் அவர்​கள் கருத்​துக்​களைப் பரி​மாறிக் கொண்​டனர், மேலும் அப்​பகு​தி​யில் அமைதி மற்​றும் ஸ்திரத்​தன்​மையை விரை​வில் மீட்​டெடுக்க வேண்​டியதன் அவசி​யத்​தை​யும் 2 நாட்​டுத் தலை​வர்​களும் வலி​யுறுத்​தினர்.

மத்​திய வெளி​யுறவுத் துறை அமைச்​சர் எஸ்​.ஜெய்​சங்​கர், போர்ச்​சுகல் நாட்​டின் வெளி​யுறவு அமைச்​சர் பாலோ ரங்​கலுடன் தொலைபேசி​யில் தொடர்பு கொண்டு ஆலோ​சனை நடத்​தி​னார். அப்​போது, மேற்​காசி​யா​வில் நடந்து வரும் மோதல் குறித்து கருத்​துக்​களைப் பரி​மாறிக் கொண்​டனர்.

இந்தியர்கள் பாதுகாப்பு

இது​வரை, ஈரான் தலைநகர் டெஹ்​ரானில் உள்ள நமது தூதரகம் 1,171 இந்​தி​யர்​களை தொடர்பு கொண்டு அவர்​கள் பாது​காப்​பாக இந்​தியா திரும்​புதவற்​கான ஏற்​பாடு​களைச் செய்​துள்​ளது.

இதில், 818 இந்​திய மாணவர்​கள் தரைவழி எல்லை வழி​யாக ஈரானை விட்டு ஆர்​மீனியா மற்​றும் அஜர்​பைஜான் வழி​யாக வெளி​யேறு​வதும் அடங்​கும். இவ்​வாறு வெளி​யுறவுத் துறை செய்​தித் தொடர்​பாளர் ரந்​திர்​ ஜெய்​ஸ்​வால்​ தெரிவித்​தார்​.

“ஊழல் செய்வதில் நாட்டிலேயே திமுக அரசுதான் நம்பர் ஒன்!” - எடப்பாடி பழனிசாமி விமர்சனம்

பதிவு: புதன்கிழமை, ஏப்ரல் 01, 2026, பங்குனி 18, விசுவாவசு வருடம் 03:40 AM

சிவகாசி,

“இந்தியாவில் ஊழலுக்காக கலைக்கப்பட்ட ஒரே ஆட்சி கருணாநிதி தலைமையிலான திமுக அரசுதான். அந்த அளவுக்கு ஊழலையும் திமுகவையும் பிரிக்க முடியாது” என சிவகாசியில் நடந்த பிரச்சாரக் கூட்டத்தில் அதிமுக பொதுச் செயலாளர் எடப்பாடி பழனிசாமி பேசினார்.

சிவகாசி பேருந்து நிலையம் அருகே விருதுநகர் மாவட்டத்தில் உள்ள 7 தொகுதிகளில் போட்டியிடும் அதிமுக கூட்டணி வேட்பாளர்களை அறிமுகம் செய்து பழனிசாமி பிரச்சாரம் செய்தார். அப்போது அவர் பேசியது: “விருதுநகர் மாவட்டத்தில் 5 தொகுதியில் அதிமுக வேட்பாளர்களும், 2 தொகுதிகளில் கூட்டணி கட்சி வேட்பாளர்களும் போட்டியிடுகின்றனர்.

ராஜேந்திர பாலாஜி சிவகாசி தொகுதி வளர்ச்சிக்குப் பாடுபட்டவர். சிவகாசி பட்டாசு உலகளவில் புகழ்பெற்றது. பட்டாசு தொழிலுக்கு நெருக்கடி வந்த போது 20 எம்.பி-க்கள் தம்பிதுரை தலைமையில், துறை அமைச்சரை சந்தித்து பட்டாசு விற்பனைக்கு தடை கூடாது என்று கோரிக்கை வைத்தோம். பட்டாசு தொழிலை காப்பாற்ற நீதிமன்றத்தில் வாதாடியது அதிமுக அரசு. மீண்டும் அதிமுக ஆட்சி அமைந்தால் பட்டாசு, தீப்பெட்டி தொழில்கள் பாதுகாக்கப்படும்.

காவிரி - குண்டாறு திட்டம் மூலம் மேட்டூர் அணையின் உபரி நீரை கால்வாய் வெட்டி கொண்டு வருவது சிவகங்கை, புதுக்கோட்டை, விருதுநகர் மாவட்டத்தில் வேளாண்மை வளர்ச்சிக்கு உதவும். இத்திட்டத்திற்கு அதிமுக ஆட்சியில் ரூ.14 ஆயிரம் கோடி நிதி ஒதுக்கப்பட்டு, நான் அடிக்கல் நட்டு வைத்தேன். ஆனால், இத்திட்டத்தை திமுக திட்டமிட்டு முடக்கிவைத்துள்ளது. மீண்டும் அதிமுக ஆட்சியில் இத்திட்டம் நிறைவேற்றப்படும். இதன்மூலம் விருதுநகர் மாவட்டம் பசுமையாக மாறும். திமுக விவசாயிகள் விரோத அரசு என்பது இந்த திட்டத்தை முடக்கியதில் இருந்தே தெரிகிறது.

ரூ.400 கோடியில் நாம் கொண்டு வந்த மருத்துவக் கல்லூரி மருத்துவமனையை திமுக ஸ்டிக்கர் ஒட்டி திறந்தது. அதிமுக ஆட்சியில் ஒரே ஆண்டில் 11 மருத்துவக் கல்லூரிகள் கொண்டு வந்த நிலையில், திமுக ஆட்சியில் ஒன்று கூட வரவில்லை. அரசுப் பள்ளி மாணவர்களுக்கு 7.5 சதவீத இடஒதுக்கீட்டின் மூலம் 3 ஆயிரம் மாணவர்கள் மருத்துவ படிப்பில் சேர்ந்துள்ளனர்.

திமுக ஆட்சியில் சிறுமி முதல் மூதாட்டி வரை பாதுகாப்பில்லை. இப்படிப்பட்ட கேவலமான ஆட்சி தொடர வேண்டுமா? நிரந்தர டிஜிபி நியமிக்க முடியாத பொம்மை முதல்வர் தான் தமிழகத்தை ஆள்கிறார். நீதிமன்றம் உத்தரவிட்டும் டிஜிபி-யை நியமிக்கவில்லை.

எங்கே பார்த்தாலும் கஞ்சா, போதை மாத்திரை. பல ரூபத்தில் போதை பொருட்கள் விற்பனை செய்யப்படுகிறது. போதை ஆசாமிகளால் காவல் துறையை சேர்ந்தவர்களுக்கே பாதுகாப்பில்லை. போதை ஆசாமிகளால் கொலை, கொள்ளை, பாலியல் சீண்டல் நடக்காத நாளே இல்லை. டிஜிபி ஒருவர் கஞ்சாவை ஒழிக்க 2.0, 3.0, 4.0 என ‘ஓ’ போட்டுக்கொண்டே ஓய்வு பெற்றுவிட்டார். ஏனெனில், கஞ்சா விற்பதே ஆளுங்கட்சிக்கு துணை நிற்பவர்கள் தான். அதிமுக ஆட்சிக்கு வந்த 3 மாதங்களில் தமிழகத்தில் கஞ்சா ஒழிக்கப்படும்.

நான் இங்கு வரும்போது பெண் குழந்தைகள், ‘மீண்டும் அதிமுக ஆட்சி தான் பெண்களுக்கு பாதுகாப்பு, திமுக இனி எப்போதும் எங்களுக்கு வேண்டாம்’ என்று எழுதிய டி-சர்ட்டை என்னிடம் கொடுத்தார்கள். உங்கள் ஆட்சி மலரும், நீங்கள் பாதுகாப்பு கொடுங்கள், என்று கொடுத்தனர். குழந்தைகள் மனதில் கூட பிரச்சினை எப்படி ஆழமாக பதிந்துள்ளது என்பதை எண்ணிப் பார்த்து அதிமுக கூட்டணிக்கு வாக்களியுங்கள். கடந்த முறை திமுக ஆட்சியில் 525 அறிவிப்புகளில் நான்கில் ஒரு பங்கு கூட நிறைவேற்ற வில்லை. 2026 தேர்தல் வருவதால் மீண்டும் பொய் வாக்குறுதிகளை அளித்துள்ளனர்.

மின் கட்டணத்தை 52 சதவீதம் உயர்த்தியும், ஆண்டுக்கு 5 சதவீதம் உயர்த்தி மொத்தம் 67 சதவீதம் உயர்த்தி விட்டதால் அச்சகம் உள்ளிட்ட சிறு தொழில்கள் பாதிக்கப்பட்டு உள்ளது. சொத்து வரி, மின் கட்டண உயர்வு, குப்பை வரி விதித்த இந்த ஆட்சி மக்களுக்கு தேவையா?

நகராட்சி நிர்வாக துறையில் நடந்த ஊழல் குறித்து அதிமுக ஆட்சி அமைந்ததும் சம்பந்தப்பட்ட அமைச்சர் மற்றும் அதிகாரிகள் மீது நடவடிக்கை எடுக்கப்படும். திமுக ஆட்சியில் நிதியமைச்சராக இருந்த பி.டி.ஆர் தியாகராஜன் பேசியதாக வெளியான ஆடியோவில் முதல்வர் மகனும், மருமகனும் இரு ஆண்டுகளில் ரூ.30 ஆயிரம் கோடி சம்பாதித்து உள்ளதாக பேசியது குறித்து முதல்வர் இதுவரை பதில் அளிக்கவில்லை.

அத்தியாவசிய பொருட்கள் விலைவாசி உயர்வை கட்டுப்படுத்த நடவடிக்கை எடுக்கவில்லை. அதிமுக ஆட்சியில் விலை உயர்ந்த பொருட்களை வாங்கி கூட்டுறவு சங்கம் மூலம் குறைந்த விலைக்கு விற்பனை செய்தோம்.

இந்தியாவில் நம்பர் ஒன் மாநிலம் தமிழகம் என்கிறார் முதல்வர். ஊழல் செய்வதில் இந்தியாவில் நம்பர் ஒன் ஆட்சி திமுக அரசு. ஊழலுக்கு கலைக்கப்பட்ட ஓர் அரசு திமுக அரசு. ஊழலின் ஊற்றுக்கண் திமுக. திமுகவையும், ஊழலையும் பிரிக்க முடியாது.

73 ஆண்டுகள் பல கட்சிகளின் ஆட்சியில் ரூ.4.85 லட்சம் கோடி கடன் வாங்கப்பட்ட நிலையில், கடந்த 5 ஆண்டுகளில் ரூ.5 லட்சம் கோடி கடன் வாங்கி வைத்து விட்டார். ஆனால் ஸ்டாலின் மத்திய அரசு நிதி வழங்க வில்லை என்கிறார்.

கரோனா காலத்தில் வருவாய் இல்லாத போதிலும் மக்களை பாதுகாத்த அரசு அதிமுக. கரோனா காலத்தில் ரூ.40 ஆயிரம் கோடி செலவு செய்த போதும் நிதி நிலைமையை சரியாக வைத்துக் கொண்டோம். அந்த காலத்தில் பொங்கல் பரிசு, ஊக்கத்தொகை, மாணவர்களுக்கு ஆல் பாஸ் வழங்கினோம். ரூ.1.36 லட்சம் கோடி கூடுதல் வரி வருவாய் வந்த போதும் அதிக கடன் வாங்கி மக்களின் பணத்தை சுரண்டும் திமுக ஆட்சி தேவையா என மக்கள் சிந்திக்க வேண்டும்.

திமுக ஆட்சிக்கு வந்து 28 மாதங்கள் கழித்து தான் மகளிர் ஊக்கத்தொகை அளித்தனர். அதை அதிமுக தான் போராடி வாங்கி கொடுத்தது. அதிமுக ஆட்சி அமைந்ததும் மாதம் ரூ.2 ஆயிரம், குளிர்சாதன பெட்டி, 5 லட்சம் பெண்களுக்கு ரூ.25 ஆயிரம் மானியத்தில் இருசக்கர வாகனம் வழங்கப்படும். ஆண்கள் நகர பேருந்தில் கட்டணம் இன்றி பயணம் செய்யலாம். தீபாவளிக்கு பட்டு சேலை, ஆட்டோ வாங்க ரூ.75 ஆயிரம் மானியம், மாற்றுத்திறனாளிகள் மற்றும் நடைபாதை வியாபாரிகள் கூட்டுறவு கடன் தள்ளுபடி செய்யப்படும். 100 நாள் வேலை 150 நாளாக உயர்த்தப்படும். சிவகாசியை மாநகராட்சியாக தரம் உயர்த்தியது அதிமுக. மாவட்டத்தில் உள்ள 7 தொகுதிகளில் பல்வேறு பணிகள் செய்து கொடுத்து உள்ளோம். விருதுநகர் மாவட்டத்தில் 100 சதவீதம் வெற்றி பெற்று தர வேண்டும். ஸ்டாலின் மாடல் அரசு பெயிலியர் மாடல் அரசு. பை-பை ஸ்டாலின்” என்று அவர் பேசினார்.

இரட்டை இலை சின்னத்திற்கு முன்னாள் அமைச்சர் கே.டி.ராஜேந்திரபாலாஜி (சிவகாசி), வி.ஜி.கணேசன் (விருதுநகர்), சந்திரபிரபா( ஸ்ரீவில்லிபுத்தூர்), சோலை சேதுபதி (அருப்புக்கோட்டை), ராஜவர்மன் (திருச்சுழி), தாமரை சின்னத்திற்கு பிரிசில்லா பாண்டியன் (ராஜபாளையம்), சாத்தூர் தொகுதிக்கும் வாக்கு அவர் சேகரித்தார்.

“முந்தைய சாதனைகளை முறியடிக்கும் ஆட்சியை வழங்குவோம்” - திருவாரூரில் ஸ்டாலின் உற்சாகம் - திமுக கூட்டணி வேட்பாளர்களை ஆதரித்து பிரச்சாரம்

பதிவு: புதன்கிழமை, ஏப்ரல் 01, 2026, பங்குனி 18, விசுவாவசு வருடம் 02:40 AM

திருவாரூர்,

திமுக கூட்டணி வேட்பாளர்களை ஆதரித்து திருவாரூர் தெற்கு வீதியில் நேற்று நடைபெற்ற பிரச்சார கூட்டத்தில் பேசிய முதல்வர் மு.க.ஸ்டாலின். உடன், வேட்பாளர்கள் திருவாரூர் பூண்டி கலைவாணன், டிஆர்.பி.ராஜா, மாரிமுத்து, முகமது முபாரக் உள்ளிட்டோர்.

‘‘​தி​ரா​விட மாடல் 2.0 ஆட்​சி​யில் எங்​கள் சாதனை​களை நாங்​களே முறியடிக்​கும் அளவு சிறப்​பான ஆட்​சியை வழங்​கு​வோம்’’ என்று திரு​வாரூரில் நேற்று தேர்​தல் பிரச்​சா​ரத்​தைத் தொடங்​கிய முதல்​வர் மு.க.ஸ்​டா​லின் கூறி​னார்.

திமுக கூட்​டணி வேட்​பாளர்​களை ஆதரித்து தமிழக முதல்​வரும், திமுக தலை​வரு​மான மு.க.ஸ்​டா​லின், திரு​வாரூரில் நேற்று பிரச்​சா​ரத்தை தொடங்​கி​னார். திரு​வாரூர் தெற்கு வீதி​யில் நடை​பெற்ற பொதுக் கூட்​டத்​தில் திமுக வேட்​பாளர்​கள் திரு​வாரூர் பூண்டி கலை​வாணன், மன்​னார்​குடி டிஆர்​பி.​ராஜா, திருத்​துறைப்​பூண்டி இந்​திய கம்​யூனிஸ்ட் வேட்​பாளர் மாரி​முத்​து, உதயசூரியன் சின்​னத்​தில் போட்​டி​யிடும் நன்​னிலம் எஸ்​டிபிஐ வேட்​பாளர் முகமது முபாரக் ஆகியோரை ஆதரித்து முதல்​வர் மு.க.ஸ்​டா​லின் பேசி​ய​தாவது: இந்த 2026 தேர்​தலின் சூப்​பர் ஸ்டார் தேர்​தல் அறிக்​கையை நேற்று முன்​தினம் வெளி​யிட்​டேன். நேற்று கொளத்​தூர் தொகு​தி​யில் வேட்பு மனு தாக்​கல் செய்​தேன். இன்று தலை​வர் கருணாநி​தியை வளர்த்​தெடுத்த திரு​வாரூர் மண்​ணிலிருந்து திமுக தலை​மை​யில் அமைந்​துள்ள மதச்​சார்​பற்ற முற்​போக்​குக் கூட்​ட​ணி​யின் வெற்றி பிரச்​சா​ரத்தை தொடங்​கு​கிறேன். திரு​வாரூர் என்​றால் அது திமுக ஊர். அதனால் இங்​கிருந்து தொடங்​கு​கிறேன்.

திரு​வாரூர் பெயர் அழகு. அதை​விட திரு​வாரூர் தேர் பேரழகு. நேற்று முன்​தினம் தான் திரு​வாரூர் தேரோட்​டம் கம்​பீர​மாக நடந்து முடிந்​துள்​ளது. கடந்த 1948-க்​குப் பிறகு 22 ஆண்​டு​கள் ஓடா​மல் இருந்த திரு​வாரூர் ஆழித்​தேரை ஓட வைத்​தவர் கருணாநி​தி. திமுக ஆட்​சி​யில் இருக்​கும் போதெல்​லாம் திரு​வாரூருக்கு நிறைய செய்​துள்​ளோம்.

திரு​வாரூர் மாவட்​டத்தை உரு​வாக்​கியது, ஆட்​சி​யர், நீதி​மன்​றம், மாவட்ட காவல் அலு​வல​கங்​கள், நகராட்சி கட்​டிடம், புதிய பேருந்து நிலை​யம், மத்​திய பல்​கலைக்​கழகம், மருத்​து​வக் கல்​லூரி, மன்​னார்​குடி அரசு கல்​லூரி, பாமணி உரத் தொழிற்​சாலை, மாவட்​டம் முழு​வதும் குடிநீர் வசதி, டி.ஆர்​.​பாலு முயற்​சி​யால் செம்​மொழி உட்பட 5 புதிய ரயில்​கள் என ஏராள​மான வளர்ச்சி திட்​டங்​களை செய்​துள்​ளோம். நெல் ஜெய​ராமனுக்கு நினை​வுச் சின்​னம் அமைத்து வரு​கிறோம்.

கடந்த 2021-ல் எங்​கள் மீது நீங்​கள் நம்​பிக்கை வைத்து ஆட்சி பொறுப்பை ஒப்​படைத்​தீர்​கள். முதல்​வ​ராக பொறுப்​பேற்ற முதல் நாளி​லிருந்து பெண்​கள் விடியல் பயணம், 1.31 கோடி பெண்​களுக்கு உரிமைத் தொகை, மாணவர்​களுக்கு காலை உணவு, நான் முதல்​வன், புது​மைப் பெண், தமிழ்ப் புதல்​வன் திட்​டம் என ஏராள​மான திட்​டங்​கள் கொண்டு வந்​தேன். பொங்​கல் தொகுப்பு ரூ.3,000 வழங்​கினோம்.

தமிழகத்தை பார்த்து பல மாநிலங்​கள் மகளிர் உரிமைத் தொகை திட்​டத்தை தொடங்கி உள்​ளனர். தேர்​தலைக் காட்டி அதை நிறுத்த மத்​திய பாஜக அரசு திட்​ட​மிட்​டது. நாங்​கள் விழித்​துக் கொண்​டோம். ஏழைகளின் சுருக்​குப்​பை​யில் இருந்து காசை உரு​வ திட்​டம் போடும் பாஜக​வுக்​கு, திரா​விட மாடல் நலத்​திட்​டம் மூலம் மக்​களுக்கு நேரடி பணம் பலன் கிடைப்​பது எரி​யத்​தான் செய்​யும். யார் வயிறு எரிந்​தால் என்ன? மக்​களின் மனசு நிறையணும் என்​பது​தான் என் லட்​சி​யம். அதனால்​தான் 3 மாத உரிமைத் தொகை, கோடை கால சிறப்பு நிதி என ரூ.5,000 வழங்​கினோம்.

எல்​லாத் திட்​டத்​தி​லும் தமிழகம் டாப்​பில் இருப்​பது​தான் பாஜக தலை​மை​யில் செயல்​படும் அதி​முக உள்​ளிட்ட அடிமைக் கட்​சிகளுக்கு எரிச்​சலை உண்​டாக்கி உள்​ளது. தமிழகத்தை எப்​படி​யா​வது கலவர பூமி​யாக்​கி​விடலாம் என திட்​ட​மிட்டு ஏராள​மான போலி செய்​தி​களைப் பரப்​பிப் பார்த்​தனர். கலவர வெறியோடு திரிந்​தவர்​களுக்கு ஏமாற்​றம்​தான் மிஞ்​சி​யது. அவர்​கள் பரப்​பியது அனைத்​தும் அவதூறு என உண்மை வெளிப்​பட்டு மக்​கள் முன் அசிங்​கப்​பட்டு நிற்​கின்​றனர்.

கடந்த 2011-21 வரை தமிழகத்​தைப் பாழாக்கி தலைகுனிய வைத்த அதி​முக, 2014-லிருந்து இந்​தி​யாவை மோச​மான நிலைக்கு அழைத்​துச் சென்​றுள்ள பாஜக​வுடன் சரணாக​தி​யடைந்து கூட்​டணி அமைத்​துள்​ளது. அவர் நம் தேர்​தல் அறிக்​கை​யைப் பார்த்து காப்பி அடித்து விட்​டு, நாம் அவரைப் பார்த்து காப்பி அடித்​தோம் என புலம்​பு​கிறார்.

அவருக்கு எதைப் பற்​றி​யும் புரிதல் கிடை​யாது. தொலை நோக்கு பார்​வை​யும் இல்​லை. அவரது உளறல்​களில் ‘ஹை லைட்’ எது தெரி​யு​மா? எப்​படி உங்​கள் திட்​டங்​களை நிறைவேற்​று​வீர்​கள் எனக் கேட்​டால் வரியை உயர்த்தி நிறைவேற்​று​வேன் என்​கிறார். அதனால் தான் பழனி​சாமியை எளி​தாக மிரட்டி அடிமைக் கூட்​ட​ணி​யில் பாஜக வைத்​துள்​ளது. தமிழகத்​தின் வளர்ச்​சியை தடுப்​பது, திரா​விட மாடல் ஏற்​படுத்​திய வளர்ச்​சியை அழிப்​பது​தான் என்​டிஏ கூட்​ட​ணி​யின் நோக்​கம்.

தமிழகத்​தில் திமுகவை எதிர்க்க தங்​களுக்கு வலிமை​யில்லை என்​ப​தால் அதி​முகவை பாஜக விலைக்கு வாங்கி உள்​ளது. பொது​வாக பாஜக மக்​களுக்கு நல்​லது செய்​யாது. தேர்​தல் வந்​தால் பட்​ஜெட்​டில் கண்​துடைப்​புக்​காக சில அறி​விப்​பு​களைப் கொடுப்​பார்​கள். ஆனால், தமிழகத்​தில் அதைக்​கூட செய்ய மனமில்​லாத வஞ்சக எண்​ணத்​தோடு இருக்​கும் உரு​வம்​தான் என்​டிஏ.

பாஜக மத்​தி​யில் ஆட்​சிக்கு வந்த பிறகு தமிழகத்​துக்கு எந்த நன்​மை​யும் செய்​ய​வில்​லை. எந்த சிறப்பு திட்​டத்​தை​யும் செய்​ய​வில்​லை. இத்​தனை​யும் சமாளித்து பல்​வேறு சாதனை​களை செய்​துள்​ளோம். திறமை​யான நிர்​வாகத்​தால் நம்​பர் ஒன் மாநில​மாக உள்​ளோம்.இந்தி திணிப்பை ஏற்​க​வில்லை என்​ப​தால் நம் வீட்டு குழந்​தைகளுக்​கான கல்வி நிதி​யைக் கூட தரவில்​லை. இப்​படி வஞ்சக எண்​ணம் கொண்ட கூட்​டத்​திடம் தமிழகத்​தின் எதிர்​காலத்தை ஒப்​படைக்க முடி​யு​மா? எனவே, என்​டிஏவை புறக்​கணிக்க வேண்​டும். அப்​போது தான் தமிழகத்​தின் எதிர்​காலம் காப்​பாற்​றப்​படும்.

இந்​தத் தேர்​தல் என்​பது தமிழ்​நாடு அணி வெர்​சஸ் டெல்லி அணி. தமிழகத்தை காக்க திமுக​தான் மீண்​டும் ஆட்​சிக்கு வரவேண்​டும். தமிழகம் கலவர பூமி​யாக மாறாமல் இருக்க பாஜக- அதி​முக கூட்​ட​ணியை வேரோடு வீழ்த்த வேண்​டும். நாம் போராடு​வது திமுக கூட்​ட​ணிக்​கான வெற்றி அல்ல, இது தமிழகத்​துக்​கான வெற்​றி. எனவே, அரசி​யல் விருப்பு வெறுப்​பு​களுக்கு அப்​பாற்​பட்​டு,தமிழகத்​தைக் காக்க மக்​கள் அனை​வரும் தி​முக தலை​மையி​லான மதச்​சார்ப்​பற்ற முற்​போக்​குக் கூட்​ட​ணி​யை ஆதரிக்​க வேண்​டும்​. அடுத்​து அமைய​வுள்​ள தி​ரா​விட மாடல்​ 2.0 ஆட்​சி​யில்​ எங்​கள்​ சாதனை​களை நாங்​களே முறியடிக்​கும்​ அளவு சிறப்​பான ஆட்​சியை வழங்​குவோம்​. இவ்​வாறு அவர்​ பேசி​னார்​.